दौंड : दौंड रेल्वे उड्डाण पुलाजवळ पेट्रोल वाहक मालगाडीचा एक टँकर घसरला आहे. सुदैवाने यार्ड मध्ये प्रवेश करताना हा अपघात झाला व त्याशेजारील दौंड - पुणे व दौंड- नगर मेन लाइन लोहमार्ग खुला असल्याने प्रवासी वाहतूक सुरळीत राहिली.
दौंड रेल्वे उड्डाण पुलाजवळ मनमाड - नगर - दौंड लोहमार्गावरून एक इंधन वाहतूक करणारी मालगाडी दौंड रेल्वे यार्ड मध्ये प्रवेश करताना सकाळी पावणेनऊ वाजण्याच्या दरम्यान हा प्रकार घडला.
इंधन वाहक मालगाडीच्या मागील बाजुने तिसर्या क्रमांकाचा इंधन वाहतूक करणारा एका टँकरचे चाक लोहमार्गावरून घसरले. रेल्वे प्रशासनाकडून ९ वाजून २६ मिनिटांनी आपत्कालीन परिस्थितीत वाजविले जाणारे भोंगे वाजविण्यात आले. भोंगे वाजल्यानंतर सर्व यंत्रणा सतर्क झाल्या.
सदर डब्याची चाके पूर्ववत लोहमार्गावर आणण्यासाठी रेल्वे कडून उपाययोजना सुरू आहेत. रेल्वेचे वरिष्ठ अधिकारी, दौंड लोहमार्ग पोलिस, रेल्वे सुरक्षा दलाचे वरिष्ठ घटनास्थळी दाखल झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
