पुणे: दिवाळी काळात बसस्थानकावर आलात अन् जिथे जायचे आहे, तेथील एसटीची माहिती मिळत नसेल; तर चिंता करू नका. कारण पुणे एसटी प्रशासनाने ९० पर्यवेक्षकांचा मोबाईल क्रमांक प्रवाशांसाठी उपलब्ध आहे. शिवाय एसटीचे ठिकाण समजण्यासाठीही व्हॉट्सअॅप क्रमांक उपलब्ध केला आहे. त्यावर बसविषयी संदेश पाठविल्यावर पाच मिनिटांत प्रवाशांना माहिती मिळेल, अशी माहिती राज्य परिवहन महामंडळाच्या पुणे विभागाचे नियंत्रक प्रमोद नेहूल यांनी दिली.