पोलिसांची लायकी काढणे तरुणाला पडले महागात

दौंड - चारचाकी वाहनात मोबाईल संचावर बोलत असल्याने पोलिसांनी (Police) थांबविल्यानंतर पोलिसांची लायकी काढून शिवीगाळ करणार्या तरुणाची (Youth) कोठडीत (Custody) रवानगी करण्यात आली आहे. 

दौंड पोलिसांनी या बाबत माहिती दिली, अवधुत ज्ञानदेव राऊत (वय ३१, रा. काष्टी ता. श्रीगोंदा) असे त्या तरूणाचे नाव आहे. ८ फेब्रुवारी रोजी दौंड शहरातील डॉ. बाबासाहेब आंबेडकर चौकात नाकाबंदी सुरू असताना हा प्रकार घडला.

वाहन चालविताना मोबाइल संचाचा वापर व तोंडावर मास्क नसल्याने विचारणा करताच अक्षय याने वाहतूक पोलिस अक्षय घोडके यांना' तुला काय करायचे आहे ते कर. माझ्याकडे लायसन्स नाही, गाडीचे पेपर नाही. तू एक साधा कॉन्स्टेबल आहे, तुझी काय लायकी आहे ती मला माहित आहे.' असे म्हणत शिवीगाळ करून धक्कबुक्की केली. नाकाबंदी दरम्यान १ सहायक निरीक्षक, ३ फौजदार व अंमलदार उपस्थित होते.

दौंड पोलिस ठाण्यात अक्षय राऊत याच्याविरूध्द शासकीय कामात अडथळा आणल्याप्रकरणी गुन्हा दाखल करण्यात आला. ९ फेब्रुवारी रोजी त्याला न्यायालयात हजर केले असता त्याला एक दिवस पोलिस कोठडीत ठेवण्याचे आदेश देण्यात आले.