पुणे : कसबा आणि चिंचवड पोटनिवडणूक सर्व राजकीय पक्षांनी गांभीर्याने घेतली आहे. दोन्ही जागा भाजपकडे होत्या. त्यामुळे भाजप नेतृत्व या निवडणूकवर लक्ष ठेवून आहे. त्यातच आज केंद्रीयमंत्री अमित शहा यांनी पुण्याचे खासदार आणि कसब्याचे किंगमेकर गिरीश बापट यांच्या तब्येतीची विचारपूस केली. बापट यांची प्रकृती चिंताजनक असल्याचं समजतं.
गिरीश बापट यांच्या तब्येतबाबत शिवसेनेच्या नेत्या सुषमा अंधारे यांनी फेसबुक पोस्ट शेअर केली आहे. अंधारे म्हणाल्या की, भाजपाचे ज्येष्ठ नेते गिरीश बापट यांची प्रकृती चिंताजनक असल्याचे समजते. गेले काही महिने त्यांच्यावर सातत्याने उपचार चालू आहेत, अशा स्थितीमध्ये त्यांनी हवेच्या संपर्कात येणे हे त्यांच्यासाठी प्रचंड घातक असू शकते असे मत वैद्यकीय क्षेत्रातील तज्ञ नोंदवतात.
दरम्यान असे असताना बापटांना प्रचारात उतरवून त्यांच्या जीवाशी खेळ खेळण्याची असुरी कल्पना देवेंद्र फडणवीस यांच्या मनात कशी काय येऊ शकते ?, असा सवाल अंधारे यांनी उपस्थित केला. तसेच गिरीश बापट यांच्या आजच्या या स्थितीला भाजपाच कारणीभूत असल्याचा दावाही अंधारे यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
