हडपसर : इमारतीच्या पहिल्या मजल्यावरून उडी मारून २२ वर्षाच्या तरूणीने आत्महत्या केल्याची घटना महमदवाडी येथे उघडकीस आली. आत्महत्याचे कारण आद्याप स्पष्ट झालेले नाही. ही घटना रविवारी मध्यरात्री दिड वाजण्याच्या सुमारास घडली.
पूजा लहू चव्हाण (वय २२, सध्या रा. लेन नं. १०, हेवनपार्क, मुळगाव परळी वैजनाथ, जि. बीड) असे आत्महत्या केलेल्या तरूणीचे नाव आहे. वानवडी पोलिस ठाण्याचे वरिष्ठ पोलिस निरिक्षक दिपक लगड यांनी दिलेल्या माहितीनुसार, १ महिन्यापूर्वी पूजा पुण्यात स्पोकन इंग्लिशच्या क्लासेससाठी आली होती. भाउ विलास चव्हाण व मित्र अरूण राठोड यांच्या सोबत ती भाडयाच्या सदनिकेमध्ये राहत होती. रात्री दिड वाजण्याच्या सुमारास तिने गॅलरीतून उडी टाकली. तिच्या डोक्याला व मनक्याला गंभीर दुखापत झाली.
विलास व अरूण यांनी तिला तातडीने उपचारासाठी रूग्णालयात दाखल केले, मात्र दुखापत गंभीर असल्याने तिचा मृत्यू झाला. आई-वडिलांचा जबाब घेतला असता त्यांनी कोणावरही संशय व्यक्त केला नाही. मात्र, ती सोरायसीस या आजाराने त्रस्त असल्याने तिने आत्महत्याचे पाउल उचलले असावे. घटनास्थळी सुसाईड नोट आढळून आली नाही. प्रेमप्रकरणातून तिने आत्महत्या केल्याचा संशय सकाळी व्यक्त होत होता. मात्र, त्या संपूर्ण चर्चेला पूर्णविराम मिळालाय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.