Grampanchyat Election Result : तांबडेमळा ग्रामपंचायत निवडणुकीत लोकनियुक्त सरपंचपदी प्राजक्ता विजय तांबडे

मंचर - “तांबडेमळा (ता.आंबेगाव) येथे झालेल्या ग्रामपंचायत निवडणुकीत लोकनियुक्त सरपंचपदी प्राजक्ता विजय तांबडे (राष्ट्रवादी कॉंग्रेसचे अजित पवार गट) निवडून आल्या आहेत.” असे माजी सरपंच माऊली भोर व राष्टवादी कॉंग्रेसचे ज्येष्ठनेते बाबुराव तांबडे सांगितले.

अवसरी खुर्द येथे काळभैरवनाथ मंदिराचे दर्शन घेतल्यानंतर जल्लोष साजरा करण्यात आला. यावेळी दिलीप वळसे पाटील जिंदाबादच्या घोषणा देण्यात आल्या. विजय उमेदवारांना फेटे बांधून त्यांची सवाद्य मिरवणूक काढण्यात आली.

विजयी उमेदवारांची नावे : राजू कुंडलिक तांबडे, मयूर बाळू भोर, सुदर्शन मारुती भोर, सुनंदा शांताराम तांबडे, प्रतिभा राजू भोर, निकिता सोमनाथ तांबडे, मेघा सीताराम भोर यांचा सन्मान उद्योजक राजेंद्र तांबडे, अविनाश तांबडे, शिवाजी तांबडे, संतोष तांबडे यांच्या हस्ते करण्यात आला.