घोडेगाव : डिंभे धरण ( हुतात्मा बाबू गेनू जलाशय ता.आंबेगाव) सायंकाळी साडेसहा वाजता 95 टक्के भरले. पश्चिम भागात पावसाचा जोर वाढल्यास धरणातून रात्री कोणत्याही क्षणी पाणी सोडण्यात येईल, अशी माहिती पाटबंधारे खात्याने दिली आहे. नदीकाठच्या गावांनी सावधगिरी बाळगावी, असे आवाहन करण्यात आले आहे.
डिंभे धरणाची उपयुक्त पाणीसाठा क्षमता १२.५० टीएमसी आहे. सायंकाळी साडेसहा वाजेपर्यंत धरणात 11.80 टीएमसी पाणीसाठा झाला होता. धरणाच्या डाव्या कालव्यांमधून ५५० क्युसेक पाणी सोडण्यात येत असून उजव्या कालव्यातून 150 क्युसेकने पाणी सोडण्यात येत आहे. आत्तापर्यंत धरण परिसरात 827 एकूण मिलिमीटर पाऊस पडल्याची नोंद झाली आहे. मागील वर्षी धरण 99 % या दिवशी भरलेले होते.
गेल्या वर्षी मात्र एकूण पाऊस 812 मिलिमीटर पडल्याची नोंद आहे. डिंभे धरण भरल्यामुळे आंबेगाव, जुन्नर,शिरूर, नगर, सोलापूर या भागातील शेतीला मोठा लाभ होणार आहे. चार दिवस आदिवासी पश्चिम भागात भीमाशंकर व खोऱ्यात जोरदार पाऊस पडत असल्यामुळे धरण साठा ७ टक्क्यांनी वाढला आहे. नदीकाठावरील नागरिकांनी विशेष काळजी घेऊन काठावर न जाण्याचे आव्हान डिंभे धरणाचे उपअभियंता तानाजी चिखले यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
