काँग्रेसच्या आमदार मुक्ता टिळक यांच्या निधनानंतर जाहीर झालेली पोटनिवडणूक महाविकास आघाडीने लढण्याचे ठरवले. त्यावर भाजपकडून ही निवडणूक बिनविरोध करण्यासाठी प्रयत्न सुरू आहेत. अशातच मुख्यमंत्री एकनाथ शिंदे यांनी महाविकास आघाडीच्या जेष्ठ नेत्यांना फोन करून ही निवडणूक बिनविरोध करण्याची विनंती केली. त्यानंतर मनसे प्रमुख राज ठाकरे यांनी देखील यासंबधी पत्र लिहले. तर भाजपचे प्रदेशाध्यक्ष चंद्रकांत बावनकुळे यांच्यासह उपमुख्यमंत्री देवेंद्र फडणवीस यांनी निवडणूक बिनविरोध करावी असं आवाहन केलं होतं.
निवडणूक बिनविरोध करण्याच्या या आवाहनानंतर काँग्रेसचे प्रदेशाध्यक्ष नाना पटोले यांनी म्हंटलं होतं की, जर मुक्ता टिळक यांच्या घरी ही उमेदवारी दिली असती तर बिनविरोध करण्याचा विचार केला असता. त्यांच्या या वक्तव्यावर भाजपचे नेते आणि पुण्याचे पालकमंत्री यांनी चांगलंच समाचार घेतला आहे.
टिळकांना उमेदवारी देतो, तुम्ही निवडणूक बिनविरोध करता का? असा थेट प्रश्न चंद्रकांत पाटील यांनी नाना पटोले यांना केला आहे. तर चिंचवडमध्ये घरातील उमेदवार दिला आहे मग तिथे का नाही बिनविरोध केली. आम्ही पुढच्या 48 तासात मुक्ता टिळक यांच्या घरात उमेदवारी दिली तर दोन्ही निवडणुका बिनविरोध करणार का असा सवालही पाटील यांनी यावेळी केला आहे.
कसबा आणि चिंचवड पोटनिवडणुकीवरून चांगलंच राजकारण तापलं आहे. कसबा पेठ विधानसभा मतदारसंघाच्या आमदार मुक्ता टिळक आणि चिंचवड विधानसभा मतदारसंघाचे आमदार लक्ष्मण जगताप यांच्या निधनामुळे रिक्त झालेल्या जागेवर पोटनिवडणूक जाहीर झाली आहे.
निवडणुकीकरिता भाजपकडून आपले उमेदवार जाहीर करण्यात आले आहे. निवडणुकीकरिता भाजपाकडून कसबा पेठ विधानसभा मतदारसंघासाठी हेमंत रासने तर चिंचवड विधानसभा मतदारसंघासाठी आमदार लक्ष्मण जगताप यांच्या पत्नी अश्विनी जगताप यांना उमेदवारी जाहीर करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
