सिंहगड रस्ता : ''पोलिसांच्या कार्याला मानाचा मुजरा देण्यासाठी आणि आम्ही या कार्यात तुमच्या सोबत आहोत'' असे सांगण्यासाठी कलाकार मंडळी सिंहगड रस्ता येथील वडगाव पुलाजवळ आली होती. निमित्त होतं ते पोलिसांनी त्याच्या पाठीवर कौतुकाची थाप देण्याचे आणि रसिक पुणेकरांना नियम पाळण्याचे आवाहन करण्याचे.
कोरोना काळात तसेच संचारबंदीच्या काळात पोलिस अहोरात्र काम करत आहेत. कोरोना योद्धा म्हणून उपस्थित राहून आपले कर्तव्य बजावत आहेत. त्यांच्या या कार्याला मानाचा मुजरा करण्यासाठी अभिनेते राहुल सोलापूरकर, माधव अभ्यंकर, अमेय वाघ, सौरभ राव, आनंद इंगळे तसेच अभिनेत्री आणि दिग्दर्शिका मृण्मयी देशपांडे, अक्षया देवधर, आणि संस्कृती बालगुडे उपस्थित होते. यावेळी पोलीस उपायुक्त पौर्णिमा गायकवाड सहाय्यक पोलीस आयुक्त पौर्णिमा तावरे सिंहगड पोलीस ठाण्याचे वरिष्ठ पोलीस निरीक्षक देविदास घेवारे सहाय्यक पोलीस निरीक्षक सतीश उमरे, प्रशांत कणसे शंकर सलगर यांच्यासह सिंहगड पोलीस ठाण्याचे पोलीस अधिकारी कर्मचारी तसेच वाहतूक विभागाचे अधिकारी आणि कर्मचारी उपस्थित होते.
वडगाव पुलाजवळ नाकाबंदी असलेल्या ठिकाणी या कलाकारांनी नागरिकांनाचे नियम पाळण्याचे आवाहन केले, तसेच नियम पाळून पोलिसांना सहकार्य करावे, असेही यावेळी सांगितले. कलाकारांच्यावतीने पोलिसांना खाद्यपदार्थ देण्यात आले. तसेच चौकात नागरिकांना नियम पाळण्याचे आवाहन केले अनावश्यक घराबाहेर पडू नका असेही त्यांनी यावेळी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
