पुण्यात महावितरण कर्मचाऱ्याची महिलांना अरेरावी

शिवाजीनगर : वीज बील थकले असल्याने वीज प्रवाह खंडित करण्यासाठी शिवाजी हौसिंग सोसायटी येथील महावितरण कर्मचारी जनवाडी- जनता वसाहत येथे येऊन, घरोघरी वीज बिलाची मागणी करतो.बील थकीत असेल तर वीजपुरवठा खंडित करण्यासाठी कामाला लागतो.परंतू हे सर्व करत असताना महिलांना पातळी सोडून बोलतो.घरी पुरुष नसल्याने वीज खंडित करू नका अशी महिला विनवणी करतात. पुरुष मंडळी फोनवर सांगतात,"आम्ही वीज बिल भरतो", तरी देखील महिलांना पातळी सोडून बोलण्याचे धाडस महावितरण कर्मचारी करत आहे. जनता वसाहत मध्ये राहणाऱ्या नागरिकांनी महावितरण कंपनीच्या वरिष्ठ अधिकाऱ्यांना या संदर्भात कळवले असल्याने नागरिकांनी सांगितले.सकाळी अकरा वीज पुरवठा खंडित करण्यासाठी घरी आले.

आमच्याकडचे वीज बील मागून घेतले आणि वीज पुरवठा खंडित करून मिटर काढून घेऊन गेले. मुलं घरामध्ये अभ्यास करत असतात.वीजपुरवठा बंद केल्याने मोबाईल देखील चार्जिंग करता येत नाही.तीन महिने झाले माझ्या हाताला काम नाही,घरात बसून असतो, वीज बील भरण्यासाठी सवलत देयला हवी होती.

- शेट्टेवार धोत्रे,जनता वसाहत.

घरात आजारी पेशंट आहे, मुलांना कामं नाहीत, व्याजाने पैसे काढून मागील थकलेले थोडे वीज बील भरले,घरात मुलं नसताना मिटर कट केलं.शुक्रवार पर्यांत थांबले नाहीत.मिटर चेक करायला येत नाहीत.जादा वीज बील येते, विनवणी करुन देखील वीज मिटर कट केले.घरात मुलांचा अभ्यास असतो.

- महादेव बुरूड, रहिवासी जनवाडी जनता वसाहत.

वीज मिटर कट करण्याच्या अगोदर नागरिकांना मोबाईल वर नोटीस पाठवली जाते.जो शेलार म्हणून कर्मचारी आहे त्याबदल् नागरिकांनी तक्रारी केल्या आहेत.ग्राहकांना नीट बोलावं अशी समज त्यांना दिली आहे. आपण कामगार आहोत त्याप्रमाणे आपण राहायचं असं सांगितलं आहे.

-अमित शिंदे सहायक अभियंता महावितरण विभाग