पुण्यात पिस्तुलाचा धाक दाखवून मोबाईल चोरून नेल्याची घटना

आळेफाटा : आळेफाटा या ठिकाणी पिस्तुलाचा धाक दाखवून इलेक्ट्रॉनिक दुकानातील १८ हजार रूपये रोख व मोबाईल चोरून नेल्याची घटना सोमवारी रात्री साडेदहाच्या सुमारास घडली. आळेफाटा येथे चार दरोडेखोरांनी पिस्तुलाचा धाक दाखवून दुकानातील रोख रक्कम चोरून नेली असल्याची घटना सोमवारी (दि ७) रात्री साडेदहा वाजता घडली याबाबत मिळालेली माहिती अशी की याबाबत आळेफाटा पोलीस स्टेशन कडुन मिळालेल्या माहितीनुसार आळेफाटा (ता.जुन्नर) येथील अविनाश पटाडे यांचे साई इलेक्ट्रॉनिक्सचे दुकान असून सोमवारी रात्री साडेदहा वाजण्याच्या सुमारास चार अज्ञात दरोडेखोरांनी प्रवेश करुन त्यांना बंदुकीचा धाक दाखविला व दुकानातील १८ हजार रुपये व मोबाईल चोरून नेली असल्याची माहिती आळेफाटा पोलीस स्टेशनचे पोलीस निरीक्षक मधुकर पवार यांनी दिली. ही घटना सी सी टीव्हीत कैद झाली आहे या घटनेची माहिती मिळाल्यानंतर जुन्नरचे उपविभागीय पोलिस अधिकारी मंदार जावळे व पोलिस निरिक्षक मधुकर पवार यांनी घटनास्थळी भेट देऊन पहाणी केली असून पुढील तपास सुरु आहे.

दरम्यान दहा ते बारा दिवसांपूर्वी चौदानंबर येथील अनंत पतसंस्थेवर भर दुपारी दरोडा पडला होता त्यामध्ये पतसंस्थेचे व्यवस्थापक राजेंद्र भोर यांच्यावर चोरट्यांनी गोळ्या घालुन ठार केले होते . या घटनेचा तपास अद्याप सुरू असतानाच आळेफाटा या ठिकाणी येथे पुन्हा बंदुकीचा धाक दाखवून दरोडा पडल्यामुळे परिसरात एकच खळबळ उडाली आहे तालुक्यात वारंवार अशा घडत असल्यामुळे तालुक्यात कायदा व सुव्यवस्थेचा प्रश्न ऐरणीवर आला असुन आळे ग्रामपंचायतीच्या वतीने आळेफाटा पोलीस स्टेशन निवेदन दिले असुन या निवेदनात म्हटले आहे की येथील तपास पोलीसांणी जलद गतीने करून आळेफाटा परीसरातील गस्तीची प्रमाण वाढवून परप्रांतीय लोकांची चौकशी करावी तसेच या ठिकाणी असलेल्या सर्व व्यापा-यांची बैठक बोलवुन चो-या होऊन नयेत यासाठी प्रतिबंधकउपाय योजनेची चर्चा व्हावी अश्या मागणीचे निवेदन आळे गावचे सरपंच प्रितम काळे उपसरपंच विजय कुऱ्हाडे यांणी केली आहे.