इंदापूर : पुणे जिल्हा तसेच इंदापूर तालुक्यात डिसेंबर महिन्याच्या पहिल्या आठवड्यात झालेल्या अवकाळी पावसाने फळबागा, इतर शेती पिकांचे मोठे नुकसान झाले आहे. त्यामुळे फळबागा व नुकसानग्रस्त पिकांचे तातडीने पंचनामे पूर्ण करून त्वरित शेतकऱ्यांना नुकसान भरपाई द्यावी, अशी मागणी भाजप नेते तथा माजी सहकार मंत्री हर्षवर्धन पाटील यांनी जिल्हाधिकारी डॉ. राजेश देशमुख यांच्याकडे भाजप शिष्टमंडळासह केली. यावेळी भाजपच्या वतीने माजी मंत्री हर्षवर्धन पाटील, भाजप नेत्या व जिल्हा परिषदेच्या सदस्या आशा बुचके,माजी जिल्हा परिषद अध्यक्ष जालिंदर कामठे यांनी मागण्यांचे निवेदन जिल्हाधिकारी डॉ. देशमुख यांना दिले.
यावेळी हर्षवर्धन पाटील म्हणाले, पुणे जिल्ह्यात तसेच इंदापूर तालुक्यात बुधवार, गुरुवार व शुक्रवारी रात्री जोरदार स्वरूपाचा पाऊस झाल्याने द्राक्षे, केळी, डाळिंब, पेरू या फळबागांचे तसेच कांदा, शेवगा व मका ,ज्वारी, चारा पिकांचे मोठे नुकसान झाले. त्यामुळे आर्थिक फटका बसल्याने शेतकरी वर्ग संकटात सापडला आहे. त्यातच अजून कोरोनाचे संकट असल्याने शेती पिकांना चांगला बाजारभाव मिळत नाही.
त्यामुळे अवकाळी पावसामुळे आर्थिक अडचणीत आलेल्या शेतकऱ्यांना तात्काळ नुकसानभरपाई देऊन शासनाने दिलासा द्यावा, अशी मागणी श्री. पाटील यांनी जिल्हाधिकारी डॉ. राजेश देशमुख यांच्याकडे केली. यावेळी मुरलीधर निंबाळकर, लालासाहेब पवार,अँड कृष्णाजी यादव, मारुती वणवे, कांतीलाल झगडे, विलास वाघमोडे, देवराज जाधव, मोहन दुधाळ, गजानन वाकसे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
