कोरोनामुळे ‘डिजिटल हेल्थ’ची होणार भरभराट

पुणे - कोरोनामुळे रुग्णालयांच्या कार्यपद्धतीत मोठा बदल झाला आहे. भविष्यात सर्वसाधारण आरोग्यसेवेसह टेलिमेडिसीन आणि डिजिटल हेल्थकेअर क्षेत्रात मोठी गुंतवणूक वाढेल, असा विश्वास आरोग्य क्षेत्रातील तज्ज्ञ व्यक्त करीत आहेत. 

शारीरिक अंतर, नागरिकांची बाहेर पडण्याची भीती, ऑनलाइन ओपीडी, निदान आणि संसर्ग रोखण्यासाठी आवश्‍यक उपाययोजना यामुळे आरोग्यसेवेत नजीकच्या काळात मोठी गुंतवणूक अपेक्षित आहे. 

पन्नास जणांच्या उपस्थितीत आषाढी पालखी प्रस्थान सोहळा

यासंबंधी रूबी हॉल क्‍लिनिकचे वैद्यकीय संचालक डॉ. संजय पठारे म्हणाले,‘‘कोविडमुळे जास्त ठिकाणी संपर्क टाळण्यासाठी मोठ्या प्रमाणावर टेलि मेडिसीन, टेलि रेडीओग्राफी, टेलि फार्मसी अशा क्षेत्रांत वाढ तर होईलच. पण त्याचबरोबर यासंबंधीचे संशोधन, साहित्य निर्मिती क्षेत्रातही वाढ अपेक्षित आहे.’’ इंडिया ब्रांड इक्विटी फाउंडेशनच्या मार्च २०२० मधील अहवालानुसार २०२२ पर्यंत आरोग्यसेवेतील उलाढाल ३७२ अब्ज डॉलर पर्यंत जाणार आहे. 

शिवराज्याभिषेक दिन ऑनलाइन; ३२ देशांतील मराठी बांधव सहभागी

ही क्षेत्रे विस्तारणार
हॉस्पिटल मॅनेजमेंट इन्फॉर्मेशन सिस्टिम, टेलि हेल्थ, इलेक्‍ट्रॉनिक मेडिकल रेकॉर्ड आदी
२०२२ पर्यंत ९.६ अब्ज यूएस डॉलरची उलाढाल अपेक्षित

मोबाईल हेल्थ
हॉस्पिटल मॅनेजमेंट इन्फॉर्मेशन सिस्टिम, टेलि हेल्थ, इलेक्‍ट्रॉनिक मेडिकल रेकॉर्ड आदी
२०२२ पर्यंत ९.६ अब्ज यूएस डॉलरची उलाढाल अपेक्षित

घरगुती उपचार
संसर्ग टाळण्यासाठी डॉक्‍टर आणि परिचारिकांना घरीच बोलावणार
रिमोट मॉनिटरिंग, मोबाईल तंत्रज्ञानाचा निदान, चाचण्या आणि औषध खरेदीसाठी वापर

संशोधन
करारबद्ध संशोधनात वाढ
औषध निर्मितीचा आणि चाचणीचा खर्च अमेरिकेपेक्षा ६० टक्‍क्‍यांनी कमी
पारंपरिक, आयुर्वेदिक संशोधन संस्थाची स्थापना

पुण्यात कोरोनामुळे सात जणांचा मृत्यू

वैद्यकीय पर्यटन
मेडिकल व्हिसा सहज झाल्यामुळे २०१८-१९ मध्ये दुपटीने वाढ
२०२० मध्ये ९ अब्ज डॉलरची उलाढाल?
शस्त्रक्रियेचा खर्च दहा पटीने कमी होणार

आरोग्य क्षेत्रामध्ये ८० टक्के वाटा खासगी क्षेत्राचा आहे. सार्वजनिक आरोग्याच्या दृष्टीने लोकांचा सरकारी आरोग्य सेवेवरील विश्‍वास वाढविणे गरजेचे आहे. कोरोनाचे धडे लक्षात घेता खासगी आणि सरकारी आरोग्यसेवेचा समन्वय, तसेच गुंतवणूक साधणे गरजेचे आहे.
- डॉ. संजय पठारे, वैद्यकीय संचालक, रुबी हॉल क्‍लिनिक