निरगुडसर - जाधववाडी (ता. आंबेगाव) येथील शेतकरी कुटुंबातील प्रांजल संतोष जाधव आणि काजल संतोष जाधव या दोन्ही सख्या बहिणीची प्रशासकीय सेवेत निवड झाली आहे. नुकतीच ठाणे शहर पोलिस कॉन्स्टेबलपदी प्रांजल हीची निवड झाली असून, तिची लहान बहीण काजलची देखील दोन महिन्यापूर्वी तलाठीपदी नियुक्ती झाली आहे. मोठी पोलीस तर छोटी तलाठी दोघी सख्या बहिणी प्रशासकीय सेवेत गेल्याने सर्वस्तरातून कौतुक होत आहे.