जनसेवा बचतगट संघाच्यावतीने पोलिसांना चिक्की वाटप

खडकवासला : गणेशोत्सव बंदोबस्त म्हटला की, पोलिस यंत्रणा हा उत्सव निर्विघन पार पडावे म्हणून अहोरात्र काम करीत असते. त्या बंदोबस्तावरील पोलिस तंदुरुस्त राहण्यासाठी उत्तमनगर पोलिसांना चिक्की वाटप करण्यात आली.

उत्तमनगर येथील जनसेवा उत्कर्ष स्वयंसहाय्यता बचत गट संघाच्या वतीने उत्तमनगर पोलिसांना आज शनिवारी चिक्कीचे वाटप करण्यात आले. पोलिस निरीक्षक सुनील जैतापूरकर व अर्जुन बोत्रे यांच्याकडे सुपूर्त केली. यावेळी बचत गट संघाचे अध्यक्ष सुरेश गुजर, उपाध्यक्ष दत्तात्रय वाघ, खजिनदार अंबादास धर्मकांबळे, शांताराम गाढवे, सचिन घुमे, दिनेश ऊन्नी, अंकुश तिडके आणि राजश्री धर्मकांबळे, संगीत कुंभार हे संचालक मंडळ उपस्थित होते.

गणेशोत्सवात पोलिसांना जास्त वेळ बंदोबस्त करावा लागतो. तसेच विसर्जन मिरवणुकीला देखील जास्त बंदोबस्त होतो. त्यामुळे, त्यांच्या आरोग्याची हेळसांड होते. बंदोबस्त करण्यासाठी आरोग्य चांगले रहावे म्हणून योग्य आहाराबरोबर चिक्की झाल्यास बंदोबस्ताचा ताण कमी होण्यास मदत होते. म्हणून हा उपक्रम "सकाळ माध्यम समूहाने" सुरू केला होता. तो आम्ही या पुढे सुरू ठेवला आहे. असे बचतगट संघाचे अध्यक्ष सुरेश गुजर यांनी यावेळी सांगितले.

जनसेवा उत्कर्ष स्वयंसहाय्यता बचत गट संघाच्या अध्यक्ष सुरेश गुजर यांनी आज शनिवारी गणेशोत्सव बंदोबस्त निमित्त पोलिस निरीक्षक सुनील जैतापूरकर व अर्जुन बोत्रे यांच्याकडे चिक्की सुपूर्त केली.

जनसेवा उत्कर्ष स्वयंसहाय्यता बचत गट संघाच्या वतीने मागील पाच वर्षांपासून गणेशोत्सवा दरम्यान पोलीस बांधवांकडून बंदोबस्त असतो. त्यांच्या कडून योग्य बंदोबस्त होण्यासाठी त्यांच्या शरीराला आवश्यक अशी चिक्की असते. पोलिस वर्गाला फुल न फुलाची पाकळी म्हणून कृतज्ञता स्वरूपात लोणावळा येथील सुप्रसिद्ध ड्रायफ्रूट चिक्की उत्तमनगर पोलीस ठाण्याच्या सर्व अधिकारी आणि पोलीस प्रशासनाला दिली.

-सुरेश गुजर, अध्यक्ष जनसेवा बचत गट

पोलीस आणि समाज यांच्यांत योग्य समनव्य असतो. बंदोबस्त आणि नेहमी होत असलेली पोलिसांची धावपळ होत असते. ही बाब जनसेवा बचतगटाने ओळखली. यातून त्यांनी पोलिसाच्या बाबतीत अशा प्रकारे कृतज्ञता आदर व्यक्त केला आहे. त्याचा हा उपक्रम मागील पाच वर्षांपासून सुरू आहे. त्याबद्दल आम्ही त्यांचे आभार मानतो.

- सुनील जैतापूरकर, पोलिस निरीक्षक उत्तमनगर पोलिस ठाणे