खडकवासला - खडकवासला धरण साखळीत गुरुवारी संध्याकाळपासून शुक्रवारी संध्याकाळी पाच वाजेपर्यंत या २४ तासात सुमारे एक टीएमसी पाणी जमा झालेले आहे. तर पानशेत धरणात ५० टक्के म्हणजे ५.३४ टीएमसी पाणीसाठा जमा झाला आहे.
आज सकाळपासून धरणांवर सकाळी सहा ते संध्याकाळी पाच वाजेपर्यंत पावसाचा जोर थोडा कमी होता. खडकवासला येथे एक, पानशेतला सहा, वरसगावमध्ये आठ, तर टेमघरला १२ मिलिमीटर पाऊस पडल्याची नोंद झाली आहे.
खडकवासला धरण साखळीत गुरुवारी संध्याकाळी पाच वाजता १२.९० टीएमसी पाणीसाठा जमा झाला होता. आज शुक्रवारी सायंकाळी पाच वाजता चारी धरणात मिळून १३.८१ टीएमसी पाणी साठा जमा झालेले आहे. अशाप्रकारे धरणात २४ तासात एक टीएमसी पाणीसाठा वाढलेला आहे.
२१ जुलै २०२३ संध्याकाळी पाच वाजताची स्थिती
धरणाचे नाव / एकूण क्षमता(टीएमसी)/ उपयुक्त पाणीसाठा(टीएमसी) / टक्केवारी
खडकवासला- १.९७/१.१९/६०.२६
पानशेत- १०.६५/ ५.३४/५०.१४
वरसगाव- १२.८२/ ६.१२/४७.७३
टेमघर- ३.७१/ १.१६/ ३१.३१
चार धरणातील एकूण क्षमता२९.१५ टीएमसी
आजचा एकूण उपयुक्त पाणीसाठा १३.८१ टीएमसी / ४७.३७टक्के
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.