कोथरुड : मंडईत चढ्या दराने भाज्यांची विक्री होत असताना आठवडी बाजारात मात्र स्वस्तात भाजी मिळत आहे. एकाच भागातील दोन आठवडी बाजारातील भाज्यांच्या दरातही तफावत आढळत असल्याने तुझी भाजी माझ्या भाजीहून स्वस्त कशी अशी चर्चा गृहीणींमध्ये रंगली.
रामबाग कॉलनी येथील स्वप्नपूर्ती हॉल समोरील बाजूस नव्याने शनिवारपासून शेतकरी आठवडे बाजार सुरु झाला आहे. दुसरा आठवडे बाजार येथून जवळच असलेल्या रामबाग कॉलनीतील गजानन महाराज मंदिरा जवळ रविवारी भरतो. या दोन्ही भाजारातील भाज्यांचे दर दर्शवणारे फलक दूरदर्शन केंद्र रस्त्यावर लावण्यात आले आहेत.
एका ठिकाणी कोथंबीर 15 ला जुडी तर दुस-या ठिकाणी 10 रुपये जुडी हा भाव दर्शवला आहे. त्याचप्रमाणे कांद्याचे दर 20 – 25, बटाटा 15 -20 असे आहेत.
मंडईत कांदा, कोथंबीरीने पन्नाशी गाठलेली असतानाच्या काळात स्वस्तात मिळणा-या या भाजीला आगामी निवडणुका व राजकीय स्पर्धेचा वास येत आहे. बाकी काही असले तरी ग्राहकांना स्वस्त भाजी मिळतेय ही बाब चांगली आहे. चांगल्या कामासाठी सकारात्मक स्पर्धा झाली तर ती आम्हाला हवीच आहे. त्याला इतर वळण नको अशी अपेक्षाही बाजारात आलेल्या ग्राहकांनी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
