सबस्क्राईब करा
कोथरूड - कोथरूड मध्ये एमएनजीएल च्या पुरवठ्यामध्ये अडथळा आल्याने अनेक नागरिकांना त्रास सहन करावा लागला. श्रावणी सोमवारचा पहिला दिवस असल्याने, नैवेद्य, प्रसाद, जेवणासाठी जो काही बेत केला होता, तो शिजवण्यासाठी गॅस उपलब्ध नसल्याने आता खायचे काय असा प्रश्न अनेक कुटुंबांना निर्माण झाला. ग्राहक तक्रार निवारण केंद्र येथे वारंवार फोन करूनही प्रतिसाद मिळत नव्हता.
कोथरूड मधील शिल्पा सोसायटी, गिरीजा सोसायटी, सुफल सोसायटी, स्नेह पॅरडाइज, रामबाग कॉलनी, लीला पार्क सोसायटी आदी भागात एमएनजीएल च्या पुरवठ्यामध्ये संध्याकाळी तीन तासांहून अधिक काळ पुरवठा बंद होता.
दिलीप कानडे म्हणाले की, मधुमेह असल्याने मला जेवणाच्या वेळा पाळाव्यात लागतात. पण इंधन पुरवठा न झाल्याने समस्या निर्माण झाली. ही परिस्थिती माझ्या सारख्या अनेकांना सहन करावी लागली. बील भरायचे मेसेज पाठवतात तसे, पुरवठा बंद होणे, गळती आदी बाबत ग्राहकांना तातडीने कळवण्याची व्यवस्था करायला हवी.
सुफल सोसायटी मधील अविनाश गवांदे म्हणाले की, तक्रार करण्यासाठी ग्राहक निवारण केंद्रावर बरेचदा प्रयत्न करूनही फोन लागत नव्हता त्यामुळे लोकांना पुरवठा सुरळीत होण्यासाठी नेमकं किती वेळ लागणार आहे हे समजत नव्हतं. अशावेळी तातडीने संदेश पाठवता येईल अशी व्यवस्था करायला हवी. म्हणजे लोक पर्यायी व्यवस्था करू शकतात.
एनसीएलच्या कामामुळे वाहिनीला गळती लागल्याने पुरवठा थांबवण्यात आल्याचे काही नागरिकांना ग्राहक तक्रार निवारण केंद्रावरून समजले. दीड तास हा प्रश्न सुटेल असे त्यांना आश्वासित करण्यात आले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.