कोथरुड : हे फटाके उडवायचे नाहीत तर चक्क खायचे आहेत. ही वाक्ये ऐकून आपल्या डोक्यातही फटाके फुटतील. मँगो फ्लेवर, ड्राय फ्रूट, टू लेअर, डार्क चॉकलेट, मिल्क चॉकलेट, व्हाईट चॉकलेट, मिक्स चॉकलेट अशा विविध प्रकारा बरोबर फटाका चॉकलेट बाजारात आले आहे.
लहान मुलांना फटाक्यांचे आकर्षण असते. पण ते उडवताना मुलांना दुखापत होणार नाही ना याचीही चिंता पालकांना असते. मुलांची आवड व पालकांची चिंता यांचा मेळ घालणारे फटाका चॉकलेट बाजारात आले आहे.
गृहीणी असलेल्या मिलन मुलानी म्हणाल्या की, फावल्या वेळेत काय करायचे हा प्रश्न माझ्यापुढे होता. ग्यानरुची या संस्थेने चॉकलेट बनविण्याचा ऑनलाईन क्लास घेतला. त्यामध्ये मिळालेल्या शिक्षणानुसार मी चॉकलेट बनवले. संस्थेच्या माध्यमातून मला दहा हजार चॉकलेट बनविण्याची ऑर्डर आली. ती मी पुर्ण केली. त्यामुळे माझा आत्मविश्वास वाढला. त्यातून नवे काही प्रयोग करण्याचा मी विचार केला. फेसबुकवर मी फटाका चॉकलेट पाहिले आणि तसे बनविण्याचा प्रयत्न केला.
त्याचा उपयोग माझ्या लहान मुलांना फटाके वाजवण्या पासून परावृत्त करण्यासाठी होवू शकतो. अग्नीबाण, भुईनळा, भुईचक्र, फटाका, लवंगी असे विविध प्रकारचे फटाके मी बनवले. फटाक्यांना जसे पॅकींग असते तशी त्याची रचना केली. समाज माध्यमावर त्याचे फोटो टाकले. त्याला चांगला प्रतिसाद मिळाला. फावल्या वेळात करायचे काम म्हणून सुरु केलेला हा विषय एका छोट्या उद्योगामध्ये रुपांतरीत करण्याचा माझा प्रयत्न आहे.
माझे पती इंजिनियर आहेत. या प्रयोगाला मिळत असलेले यश पाहून त्यांनी व माझ्या सासरच्यांनीही यामध्ये सहकार्य केले. चॉकलेटसाठी योग्य रॅपर (आवरण), बॉक्स बाजारातून आणले. कमी घेणार असल्यामुळे त्याची किंमत महाग होती. परंतु प्रयोग म्हणून आम्ही हे धाडस केले. लोक या धाडसाला प्रतिसाद देत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
