पुणे - महादेव बुक बेटिंग ॲपच्या माध्यमातून ऑनलाइन सट्टेबाजीसाठी ४५२ बँक खात्यातून कोट्यवधींची उलाढाल झाली आहे. या प्रकरणी ९३ जणांविरुद्ध गुन्हा दाखल केला असून, त्यापैकी ८८ जणांना न्यायालयीन कोठडी सुनावण्यात आली आहे. आरोपींनी जुगारातील पैसा परदेशात वळविल्याचा संशय आहे.
आरोपींनी ऑनलाइन सट्टेबाजीसाठी ४५२ बँक खात्यांचा वापर केला आहे. ही खाती कोणाच्या नावे आहेत. ऑनलाइन सट्टेबाजीतून मिळालेला पैसा देशविघातक कारवायांत वळविण्यात आला आहे का, यादृष्टीने तपास करण्यात येत आहे. या गुन्ह्यातील मुख्य सूत्रधार पसार असून, त्याचा शोध घेण्यात येत आहे, अशी माहिती पुणे ग्रामीणचे पोलिस अधीक्षक पंकज देशमुख यांनी शुक्रवारी पत्रकार परिषदेत दिली.
नारायणगावमध्ये महादेव बेटिंग ॲपद्वारे ऑनलाइन सट्टा सुरू असल्याची माहिती मिळाली होती. त्यावरून पुणे ग्रामीण पोलिसांच्या बुधवारी स्थानिक गुन्हे शाखा आणि खेड उपविभागीय पोलिस अधिकारी यांच्या पथकाने तेथील कॉल सेंटरवर छापा टाकला. या प्रकरणी कुणाल भट, अमजद खान, यश चौहान, समीर युनूस पठाण, रशीद कमाल रफीउल्ली या संशयितांना अटक केली आहे. या कारवाईत पोलिसांनी कॉल सेंटरमधून ४५ लॅपटॉप, ८९ मोबाईल आणि ४५२ बँक पासबुकसह ६२ लाख ७४ हजार रुपयांचा मुद्देमाल जप्त केला आहे.
पोलिस अधीक्षक पंकज देशमुख, अतिरिक्त पोलिस अधीक्षक रमेश चोपडे, उपविभागीय अधिकारी सत्यसाई कार्तिक आणि रवींद्र चौधरी यांच्या सूचनेनुसार स्थानिक गुन्हे शाखेचे पोलिस निरीक्षक अविनाश शिळीमकर, किरण अवचर, सतीश होडगर यांच्या पथकाने ही कारवाई केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.