यंदाच्या पावसाळ्यात पुणे जिल्ह्यातील ताम्हिणी घाटात 9,644 मिमी पाऊस झाला, जो देशात यंदाच्या पावसाळ्यात पडलेला सर्वाधिक पाऊस आहे. भारतीय हवामानशास्त्र विभागाच्या (IMD) आकडेवारीनुसार, यंदा ताम्हिणी घाटात सर्वाधिक 9,644 मिमी तर दुसऱ्या स्थानी असलेल्या मेघालयातील चेरापुंजी येथे एकूण 7,303.7 मिमी इतका पाऊस पडला आहे.
दरम्यान, दावडी, भीमाशंकर, शिरगाव, लवासा आणि लोणावळा या महाराष्ट्रातील इतर भागात या पावसाळ्यात 5,000 ते 7,000 मिमी दरम्यान पाऊस झाला आहे.
शिवाय, साताऱ्यातील महाबळेश्वर, वाळवण, कोयना; नाशिकमधील घाटघर, इगतपुरी, त्र्यंबकेश्वर; तसेच कोल्हापुरातील गगनबावडा आणि आंबोलीतही यंदा पावसाने जोरदार बॅटींग केली आहे.
हे लक्षात घेण्यासारखे आहे की, ताम्हिणी घाटाची अद्वितीय भौगोलिक परिस्थिती आणि पश्चिम घाटातील स्थानामुळे इथे अधिक पाऊस होण्यास मदत होते. अरबी समुद्राच्या सान्निध्यात असलेला प्रदेश आणि त्याची उंची यामुळे इथे पावसाळ्यात मुसळधार पाऊस पडतो.
आयएमडी पुणेचे हवामानशास्त्रज्ञ एसडी सानप यांनी ताम्हीणीत यंदा इतका पाऊस का पडला याबाबत माहिती दिली. ते म्हणाले की, सह्याद्री पर्वतरांगेने, ताम्हिणीवर मोठ्या प्रमाणात ढग निर्माण करून, तीव्र पर्जन्यवृष्टीत महत्त्वपूर्ण भूमिका बजावली. याशिवाय, अरबी समुद्रातून येणारा मान्सूनचा जोरदार प्रवाह आणि गुजरात आणि महाराष्ट्रात तयार होणाऱ्या हवामान प्रणालींमुळे ताम्हिणीतील मुसळधार पावसाला हातभार लागला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
