अंतिम वर्षाच्या परीक्षांबाबत 'मासू'ची सर्वोच्च न्यायालयात धाव; हस्तक्षेप याचिका केली दाखल

पुणे : पदवी आणि पदव्युत्तर पदवीच्या अंतिम वर्षाची परीक्षा रद्द करावी, म्हणून सर्वोच्च न्यायालयात दाखल याचिकेवर १० ऑगस्ट रोजी सुनावणी होणार आहे. यामध्ये म्हणणे मांडण्यासाठी 'महाराष्ट्र स्टुडंट्स युनियन'ने (मासू) हस्तक्षेप याचिका दाखल केली आहे. 

विद्यापीठ अनुदान आयोगाने अंतिम वर्षाच्या परीक्षा व्हाव्यात यासाठी तयारी सुरू केली आहे. या विरोधात सर्वोच्च न्यायालयात याचिका दाखल केली आहे. याच संदर्भात 'मासू'ने हस्तक्षेप याचिका दाखल केली आहे. 

- पुणेकरांनो, उद्या जरा जपून; हवामान खात्यानं दिला 'ऑरेंज अलर्ट'

मासूचे विभाग प्रमुख सिद्धार्थ तेजाळे म्हणाले, "आम्ही हस्तक्षेप याचिकेद्वारे सध्याची वस्तुस्थिती, आकडेवारी आणि संशोधन याची मांडणी केली आहे. महाराष्ट्रातील विद्यार्थ्यांचे प्रतिनिधी म्हणून आम्ही केलेल्या सर्वेक्षणसुद्धा सादर केलेले आहेत. तसेच या विषयावरील सर्व माहिती त्याद्वारे संबंधित अधिकाऱ्यांना वेळोवेळी केलेले पत्रव्यवहारसुद्धा याचिकेद्वारे सादर केले आहेत. हस्तक्षेपाच्या अर्जात कोविड १९ ची सद्य परिस्थितीत आणि पुढील अनिश्चितता यामुळे विद्यापीठ परीक्षा घ्यायची की नाही हा निर्णय संबंधित राज्यांकडेच ठेवला जावा, अशी मागणी केली आहे. या प्रकरणी १० ऑगस्ट रोजी सर्वोच्च न्यायालयात पुढील सुनावणी होणार आहे. 

- रामायण लिहिलेल्या वाल्मिकींच्या नगरीत असा सुरू आहे आनंदोत्सव​

महाराष्ट्र स्टुडंट्स युनियनने (मासू) सुरवातीपासूनच विद्यार्थ्यांच्या न्यायासाठी आवाज उठविलेला आहे. दिनांक १७ मार्च २०२० रोजी मुंबई उच्च न्यायालयाचे तत्कालीन कार्यवाहक सरन्यायाधीशांना पत्र लिहून हस्तक्षेप याचिका केली होती आणि त्याआधारे विद्यार्थ्यांच्या सुरक्षेच्या दृष्टीने महाराष्ट्र राज्याने उपाययोजना कराव्यात, या सूचना लक्षात घेऊन राज्याने सर्व परीक्षा पुढे ढकललेल्या होत्या. तसेच १५ जून २०२० रोजी आणखी एक पत्र न्यायाधीशांना लिहले होते, असे तेजाळे यांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)