Dr. Amol Kolhe : आगामी विधानसभा निवडणुकीत 'मविआ'ला 200 च्या वर जागा मिळणार; खासदार कोल्हेंना विश्वास

हडपसर : नुकत्याच झालेल्या लोकसभा निवडणुकीत (Lok Sabha Election) राज्यातील दीडशे विधानसभा मतदारसंघात महाविकास आघाडीला मतदारांनी आघाडी दिली आहे. त्या भीतीने देवेंद्र फडणवीसांना (Devendra Fadnavis) राजीनामा द्यावा लागला. मतदारांकडून मिळत असलेला हा कौल पाहता आगामी विधानसभा निवडणुकीत आघाडीला दोनशेच्या वर जागा मिळतील, असा विश्वास नवनिर्वाचित खासदार डॉ. अमोल कोल्हे (Dr. Amol Kolhe) यांनी व्यक्त केला.

शिरुर लोकसभा मतदार संघाचे (Shirur Lok Sabha Constituency) नवनिर्वाचित खासदार डॉ. अमोल कोल्हे यांचा हडपसर विधानसभा मतदारसंघातील महाविकास आघाडीच्या वतीने नागरी सत्कार करण्यात आला. त्यावेळी उपस्थित मतदारांचे ऋण व्यक्त करून त्यांच्याशी संवाद साधताना डॉ. कोल्हे बोलत होते.

माजी राज्यमंत्री बाळासाहेब शिवरकर, माजी आमदार महादेव बाबर, राष्ट्रवादी काँग्रेस शरद पवार गटाचे शहराध्यक्ष प्रशांत जगताप, राष्ट्रवादी काँग्रेस शरद पवार गटाचे मतदारसंघाचे अध्यक्ष प्रवीण तुपे, काँग्रेसचे मतदारसंघ अध्यक्ष दिलीप तुपे, शिवसेनेचे मतदारसंघ अध्यक्ष राजेंद्र बाबर, माजी उपमहापौर नीलेश मगर, बंडू गायकवाड, सत्कार समारंभाचे संयोजक माजी नगरसेवक योगेश ससाणे आदी यावेळी उपस्थित होते.