Pune Crime News: पुण्यातून एक धक्कादायक बाब उघडकीस आली आहे. एका नवऱ्याने आपल्या पत्नीला प्रमोशन आणि आर्थिक फायद्यासाठी तिच्या बॉससोबत एक दिवस शारिरीक संबंध ठेवण्यास सांगितलं असल्याची माहिती आहे.
नवऱ्याने पत्नीला बॉससोबत शारिरीक संबंध ठेवण्याठी जबरदस्ती केली. पीडितेने नवऱ्याविरोधात पोलिसांत तक्रार दाखल केली आहे.
अधिक माहितीनुसार, सदर महिलेचा पती लग्नानंतर चुकीच्या लोकांच्या संगतीत आला आणि तिला अनैतिक आणि बेकायदेशीर व्यवहार करण्यास भाग पाडू लागला असा तिचा आरोप असून न्यायालयाने पीडितेची याचिका दाखल करुन घेतली आहे. पीडितेच्या तक्रारीनुसार, पतीने पैशासाठी तिच्यावर जबरदस्ती केली. त्याचबरोबर दीरावरही तिचा आरोप असून त्याने अयोग्यरित्या शारिरीक स्पर्श केला आणि त्यामुळे मानसिक त्रास झाला असल्याचं तिने तक्रारीत सांगितले आहे.
दरम्यान, या प्रकारानंतरही महिलेच्या सासरच्यांनी पुन्हा तिचा छळ सुरू केला. याप्रकरणी महिलेच्या पालकांनी इंदौर येथील न्यायालयात जाऊन फिर्याद दाखल केली.
त्यानंतर न्यायालयाने महिला कल्याण अधिकाऱ्यांना चौकशीचे आदेश दिले आहेत. तपासानंतर महिलेचा पती, मेहुणा, सासू यांच्याविरुद्ध गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
