Maratha Kranti Morcha : आरक्षणासाठी मराठा समाजाचे एकदिवसीय लाक्षणिक साखळी उपोषण

धायरी - मराठा कुणबी आरक्षणासाठी मनोज जरांगे यांच्या आमरण उपोषणाला पाठिंबा म्हणुन लाक्षणिक साखळी उपोषण सिंहगड रस्ता परिसरात हिंगणे चौक ,धायरी फाटा वांजळे पुल येथे सुरू आहे.

यावेळी 'एक मराठा लाख मराठा, तुमचे आमचे नाते काय जय जिजाऊ जय शिवराय, मनोज जरांगे पाटील तुम आगे बढो-हम तुम्हारे साथ है, जय जिजाऊ जय शिवराय, आरक्षण आमच्या बापाचे, नाही कुणाच्या बापाचे, इत्यादी घोषणा देऊन उपोषण कर्ते पाठिंबा देत होते.

साखळी उपोषणास सकाळी १० ते ५ वेळात सुरू झाले. यावेळी सिंहगड रस्ता, हिंगणे विठ्ठलवाडी, वडगाव, धायरी, नऱ्हे, आंबेगाव, किरकटवाडी, खडकवासला, नांदोशी, गोऱ्हे, डोणजे खानापूर गावांतील सर्व मराठा बांधव एकत्रितपणे  मनोज जरांगे यांच्या आमरण उपोषणाला खंबीर पणे विचार मांडले व साथ देऊन आरक्षणाचा पाठिंबा देण्यासाठी सकल मराठा समाज सहभागी झाला होता.

यावेळी राजेंद्र कोंढरे, आबा जगताप, करण जाधव, रमेश दौंडकर ,चंदन कड, श्रीकांत जगताप, सुभाष ढमाले, राजेंद्र भुरुख, राजेंद्र मिंडे, हेमंत दांगट, अविनाश चरवड, अश्विनी खाडे, विकास दांगट, गंगाधर भडावळे, कुणाल पोकळे, राहुल पोकळे, शिवाभाऊ पासलकर, सचिन चव्हाण, सचिन निवंगुणे, दशरथ मन्यारे, चंद्रशेखरदादा पोकळे, शिवाजी मते, महेश पोकळे, विजय मते, बाबासाहेब जोरे, सुभाष थेऊरकर, निलेश दमिष्टे, जयश्री पोकळे, यशवंत लायगुडे, तृप्ती पोकळे आदी उपस्थित होते. उपोषणाचा समारोप राष्ट्रगीताने झाला.