पिंपरीत रेल्वेखाली सापडून अपंग तरूणाचा मृत्यू

पिंपरी : रेल्वेखाली सापडून अज्ञात तरूणाचा मृत्यू झाला. ही घटना शुक्रवारी रात्री साडेआठ वाजता पिंपरी रेल्वे स्टेशन येथे घडली. पिंपरी रेल्वे पोलिसांनी दिलेल्या माहितीनुसार पिंपरी रेल्वे स्टेशन जवळ शनिवारी रात्री साडेआठ वाजता मालगाडीखाली सापडून अज्ञात तरूणाचा मृत्यू झाला. मयत तरूणाचे वय अंदाजे ४० वर्षे आहे. उंची पाच फूट चार इंच, वर्ण सावळा आहे. या तरूणाच्या उजव्या हातावर 'जय भीम' असे गोंदलेले आहे. तसेच हा तरूण उजव्या पायाने अपंग आहे. या तरूणाबाबत अधिक माहिती असल्यास पोलिस हवालदार मिलिंद गायकवाड यांच्याशी संपर्क साधावा, असे आवाहन पिंपरी रेल्वे पोलिसांनी केले आहे.