ऑनलाइन सातबारा मार्चअखेर पूर्ण होणार

टाकळी हाजी : सातबारा तलाठयांच्या डिजीटल सहीने घर बसल्या मिळावा यासाठी महसूल विभागात युदध पातळीवर काम सुरू आहे. या कामाला अनेक वेळा मुदतवाढ देण्यात आली असून , आता 31 मार्च पर्यत सातबारा आनलाईन करण्याचे उद्दिष्ट दिले असल्याची माहिती ई-फेरफार चे राज्य समन्वयक रामदास जगताप यांनी दिली. 

जांबूत ( ता. शिरूर ) येथील सांसद आदर्श ग्रामच्या कामाला त्यांनी भेट दिली. त्यावेळी ते बोलत होते. जगताप म्हणाले की, 2002 पासून राज्यात सातबारा संगणकीयकृत करण्यात आला आहे. 23 फेबुवारीपर्यत राज्यातील 43 हजार 949 गावांपैकी 33 हजार 161 गावांतील सातबारा 76 टक्के आनलाईन झाला आहे. खातेदारांना सातबारा मिळण्यासाठी तलाठी कार्यालयात चकरा माराव्या लागत होत्या. त्य़ामुळे सातबारा संगणकीयकृत करण्याचे ठरले.

यातही मोठ्या प्रमाणात चुका झाल्याचे आढळून आले. त्यामुळे शेतकऱ्यांना अचूक संगणकीयकृत सातबारा देण्यासाठी केंद्र पुरस्कृत डिजीटल इंडिया लँड रेकॅार्ड मॅाडर्नायझेशन प्रेाग्राम राज्यात कार्यान्वीत करण्यात आला. त्या अंतर्गत पुण्याच्या राष्ट्रीय सूचना विज्ञान केंद्राने ई-फेरफार ची प्रणाली विकसित करण्यात आली. त्याआधारे राज्यात ई-फेरफार करून महाराष्ट्र जमीन महसून अधिकार अभिलेख नोंद वह्या तयार केल्या जात आहे. राज्यातील महसून यंत्रणेला सातबाराचा सर्व्हे नंबर योग्य प्रकारे लिहिणे. अचूक संगणकीय कृत  सातबारा व 8 अ साठी 24 मुद्दयांवर तपासणी केली जात आहे.

अमरावती विभागात शंभर टक्के काम पुर्ण झाले आहे. त्यामुळे या भागातील गावांना आनलाईन सातबारा मिळू लागला आहे. सोलापूर जिल्हा 906, सांगली 483, पुणे जिल्ह्यात 836, सातारा जिल्हा 514, कोल्हापूर 167 गावात सातबारा संगणकीकृत करण्यात आले आहे. 

राज्यात 31 मार्च पुर्वी सातबारा संगणकीकृत करण्याचे उद्दिष्ट दिले गेले आहे. सध्या अमरावती विभागातील अकोला, वाशीम, औंरगाबाद मधील उस्मानाबाद आणी जालना जिल्ह्यात शंभर काम पुर्ण झाले आहे. बुलठाणा, लातूर, यवतमाळ, हिंगोली, नांदेड, अमरावती, वर्धा जिल्ह्यात 99 टक्के संगणकीकृत सातबारा करण्याचे काम पुर्ण झाले असल्याचे जगताप यांनी दिली.