पिंपरी : मंगल कार्यालयातील नवरदेवाच्या खोलीतून दोन लाखांची रोकड चोरीस गेली आहे. ही घटना पिंपरी-चिंचवड शहरातील ताथवडे परिसरात मंगळवारी (ता. १३) घडली.
याबाबत सविस्तर माहिती कि, काळेवाडी येथील राजेंद्र महाडिक यांचा मुलगा रविंद्रचा विवाह सोहळा ताथवडे येथील रघुनंदन मंगल कार्यालयात मंगळवारी दुपारी साडेबारा वाजता होता. केटरिंग, मंगल कार्यालयाचे भाडे, बँडवाले यासह इतर खर्चाकरिता महाडिक यांनी दोन लाखाची रोकड सोबत आणली होती. ही रोकड त्यांनी पत्नीकडे दिली होती.
पत्नीने ही रोकड पर्समध्ये ठेवून त्या नवरदेवाच्या खोलीत बसल्या होत्या. दुपारी सव्वा एक वाजताच्या सुमारास काही कामाकरिता त्या खोलीबाहेर गेल्या. या दरम्यान एका दहा ते बारा वर्षाच्या मुलाने नवरदेवाच्या खोलीतून दोन लाखांची रोकड असलेली पर्स चोरून नेली. ही घटना सीसी कँमेऱ्यात कैद झाली आहे. याबाबत वाकड पोलिस ठाण्यात तक्रार दाखल करण्याचे काम सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.