Pune Crime : सहकारनगर परिसरातील टोळीतील १७ जणांवर मोका

पुणे : सराईत गुन्हेगार सिद्धार्थ विजय गायकवाड (वय २२, रा. अरण्येश्वर) याच्यासह टोळीतील १७ जणांवर संघटित गुन्हेगारी नियंत्रण (मोका) कायद्यांतर्गत कारवाई करण्यात आली आहे. या गुन्ह्यात १३ आरोपींना अटक करण्यात आली आहे.

या टोळीविरुद्ध सहकारनगर, भारती विद्यापीठ, स्वारगेट, दत्तवाडी, कोंढवा, मार्केट यार्ड, बिबवेवाडी पोलिस ठाण्यांच्या हद्दीत दरोडा, जबरी चोरी, मालमत्तेचे नुकसान, दुखापत करणे, नागरिकांमध्ये दहशत माजविण्याचा प्रयत्न करणे अशा गंभीर स्वरुपाचे गुन्हे दाखल आहेत. पोलिस आयुक्त रितेश कुमार आणि पोलिस सह आयुक्त संदीप कर्णिक यांच्या सूचनेनुसार ही कारवाई करण्यात आली. सहकारनगर पोलिसांनी मोकाबाबतचा प्रस्ताव दिला होता.