कोरोना महामारीमध्ये मानसिक आधार ठरला महत्त्वाचा

कॅन्टोन्मेंट : कोरोना महामारीमध्ये समाजाप्रती बांधिलकी जपत वैद्यकीय आणि पोलीस, समाजसेवी संघटनांनी महत्त्वाची भूमिका बजावली. त्या कालावधीमध्ये मानवतावादी संघटनेने मानसिक आणि आर्थिक आधार मनोबल वाढविण्यासाठी महत्त्वाचा ठरला, असे मत मानवतावादी समाजसेवा संघटनेचे अध्यक्ष गफ्फार खान यांनी व्यक्त केले.मानवतावादी समाजेसवा संघटनेची सर्वसाधारण सभा नुकतीच झाली. याप्रंसगी संस्थेचे सचिव अशोक जाधव, कार्याध्यक्ष अरविंद पिल्ले, उपाध्यक्ष प्रकाश रावळकर, खजिनदार सईद शेख, लेखापाल श्रीनिवास नंबियार, मोहम्मदशा भंडारी, बाळू गोरे, उस्मानाबाद जिल्ह्याचे गटशिक्षणाधिकारी सुनील गायकवाड, पद्माकर बांडे, सतीश चांदेकर, सुरेश इथापे, अनिल जांभेकर, अनिल वाघमारे, जनार्धन इंगळे, रजनी दाणी, माधुरी गुजर, आय. एम. शेख, सुरेश इथापे उपस्थित होते.

यावेळी संस्थेचे आजीव सदस्य दिवंगत विजय चव्हाण व वसंत धोंगडे यांनी केलेल्या सामाजिक कार्याबद्दल त्यांच्या कुटुंबियांचा सन्मान चिन्ह देऊन गौरव करण्यात आला. तसेच, सेवापूर्तीनिमित्त नामदेव जाधव, विजय वैराट, बाळू गोरे, दत्तात्रय भोसले व संजय वाघमारे यांचाही शाल, श्रीफळ देऊन मान्यवरांच्या हस्ते सत्कार करण्यात आला. दरम्यान, संस्थेचे अध्यक्ष गफ्फार खान यांनी संस्थेची स्वतःच्या वास्तूसाठी इमारतनिधी असण्याबाबत ठराव मांडला, त्यालाही सर्वांनी मंजुरी दिली.रोहिदास एकाड यांनी सूत्रसंचालन केले.