मिनी नको, मिडी बस घ्या

पुणे - पीएमपी ७ मीटरच्या ३०० बस घेण्याच्या तयारीत आहे. मात्र मिनी बस घेण्यापेक्षा त्याहून मोठी असलेली ९ मीटर ची मिडी बस घेणे गरजेचे आहे. यामुळे प्रवाशांची संख्या वाढणार आहे. तेव्हा मिडी बस घ्यावे. तसेच बाजीराव रस्त्यावरून धावणाऱ्या मोठया बसचे ४ केवळ चार मार्ग सुरु करण्यात आले आहे. उर्वरित ६ मार्गही सुरु करणे होणे गरजेचे आहे, अशी मागणी महाराष्ट्र नवनिर्माण सेनेचे प्रदेश सरचिटणीस हेमंत संभूस यांनी पीएमपीच्या अध्यक्षांना दिलेल्या निवेदनात केली आहे.

पीएमपी प्रशासन एखाद्या कंपनीचा हिताचा विचार करून काही निर्णय घेत आहे. यातच कॅब सेवा सुरु करण्याच्या मागे देखील काही लोकांचे स्वार्थ आहे. पीएमपी सक्षम होण्यासाठी तोट्यात असणारे मार्ग बंद करणे गरजेचे आहे. यामुळे डिझेल व सीएनजी वर होणाऱ्या खर्चात बचत होईल. हे करीत असताना नफ्यात असणाऱ्या मार्गावर अधिक चांगली सेवा दिली पाहिजे.

पीएमपीचे उत्पन्न वाढविण्यासाठी कर्मचाऱ्यांना प्रोत्साहन भत्ता लागू करावा. पुणे शहर व उपनगरात बस सेवा अपूर्ण आहे. यासाठी लांब पल्याचे मार्ग बंद करावेत. प्रवासी संख्या वाढविण्यासाठी तिकीट दर कमी असावा. बीआरटीचे फसलेले नियोजन सुधारणे गरजेचे आहे. कर्मचाऱ्यांची संख्या देखील कमी आहे. त्यामुळे अन्य कर्मचाऱ्यांवर ताण येत आहे. तेव्हा कर्मचाऱ्यांची भरती झाली पाहिजे,पासेसचे दर कमी करावेत, असेही त्यांनी पीएमपीच्या अध्यक्षांना दिलेल्या निवेदनात म्हटले आहे.