![minor girl assaulted by threatening to make photo viral social media crime police](http://media.assettype.com/esakal%2F2024-05%2F30f236a7-61b4-4101-8888-c770d680ad08%2FEsakal_Rushikesh__44_.jpg?rect=0%2C0%2C1200%2C675&w=480&auto=format%2Ccompress&fit=max)
वाघोली : इंस्टाग्रामवरील मुला बरोबर झालेली ओळख एका अल्पवयीन मुलीला चांगलीच महागात पडली. त्याने ओळखीचा फायदा घेत तिचे काढलेले फोटो व्हायरल करण्याची धमकी देवून तिच्यावर लैंगिक अत्याचार केले. त्या मुलावर पोक्सो अंतर्गत गुन्हा दाखल करण्यात आला आहे. लोणीकंद पोलीस ठाणे अंतर्गत 15 दिवसात तीन पोक्सो गुन्ह्याची नोंद झाली.
पोलीसांनी दिलेल्या माहितीनुसार, दोघेही शिक्षण घेतात. इंस्टाग्रामवर दोघांची ओळख झाली. यानंतर त्याने मुलीला आपल्या जाळ्यात ओढत भेटण्यास बोलवले. संधीचा फायदा घेत तिचे फोटो काढले. त्यानंतर फोटो व्हायरल करण्याची धमकी देऊन वारंवार शारीरिक संबंध प्रस्थापित केले.
हा धक्कादायक प्रकार लोणीकंद परिसरात सात मार्च ते चार एप्रिल दरम्यान घडला. चार एप्रिल रोजी त्याने पीडित तरुणीला जबरदस्तीने त्याच्या कारमध्ये बसवून खराडी भागातील आयटी पार्क येथील मोकळ्या मैदानात नेले.
त्याठिकणी गाडीमध्ये तिच्यासोबत असभ्य वर्तन करुन तिचे अश्लील फोटो काढले. अखेर पीडित मुलीने लोणीकंद पोलीस ठाण्यात फिर्याद दिली. यावरुन अभि कांबळे याच्यावर पोक्सो कायद्यांतर्गत गुन्हा दाखल करण्यात आला. पुढील तपास लोणीकंद पोलीस करीत आहेत.
२५ एप्रिल - नामांकित शाळेत अत्यवयीन मुलावर कर्मचाऱ्याचा लैगिंक अत्याचाराचा प्रयत्न
1 मे - १७ वर्षीय मुलीवर दोघांकडून लैंगिक अत्याचार, आईसह तिघांवर गुन्हा दाखल
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.