Pune: नवले पूलाच्या सर्व्हिस रोडने घेतला मोकळा श्वास, अतिक्रमणावर फिरला मनपाचा बुलडोझर

निलेश चांदगुडे

Navle Bridge: पुणे महानगरपालिकेच्या झोन क्र. दोन अतिक्रमण अनधिकृत बांधकाम निर्मूलन व पीएमआरडीएच्या अनधिकृत बांधकाम बांधकाम विभाग, सिंहगड रोड वाहतूक पोलीस विभाग व पोलीस निरीक्षक यांच्यामार्फत बुधवारी ( ता. ३१) पीएमआरडीएचे आयुक्त डॉ. योगेश म्हसे व पुणे महानगरपालिका उपायुक्त माधव जगताप यांच्या आदेशानुसार नवले पूल ते सिंहगड रोड येथे संयुक्त कारवाई करण्यात आली.

पीएमआरडीए हद्दीमधील अंदाजे एक हजार चौ.फुट व पुणे मनपा हद्दीतील अंदाजे पाच हजार चौ. फुट क्षेत्र मोकळे करण्यात आले. या कारवाई करीता पीएमआरडीए मधील अनधिकृत बांधकाम विभागाचे कनिष्ठ अभियंता धनंजय झालटे व सिंहगड वाहतूक पोलीस विभागाचे सहाय्यक पोलीस निरीक्षक राजकुमार बरडे, पुणे महानगरपालिकेचे बांधकाम विकास विभागाचे उपअभियंता विजय कुमावत, कनिष्ठ अभियंता महेश झोमन, मयूर गेडाम, इरफान शेख व विभागीय अतिक्रमण निरीक्षक नारायण साबळे, क्षेत्रीय अतिक्रमण निरीक्षक उमेश नरूले, अतिक्रमण निरीक्षक अजय गोळे, सहाय्यक अतिक्रमण निरीक्षक सागर विभुते, विठ्ठल ओमासे, मंथन आमले उपस्थित होते.

या कारवाई करिता 02 जेसीबी, 02 ब्रेकर, 01 गॅस कटर, 01 बंदिस्त पिंजरा, 02 ट्रक 20 बिगारी सेवक यांचे सहाय्याने कारवाई करण्यात आली. व यापुढे पीएमआरडीए व पुणे महानगरपालिका अतिक्रमण विभाग यांचे मार्फत संयुक्त कारवाई करण्यात येणार आहे.