बारामती - गेल्या काही दिवसात पुणे व बारामती परिसरात घडलेल्या विविध गुन्हेगारी घटनांमध्ये अल्पवयीन मुलांचा समावेश ही चिंताजनक बाब आहे. कायद्यामध्ये अल्पवयीन या निकषाची व्याख्या बदलून वय मुलांसाठी 14 तर मुलींसाठी 12 वर्षे करण्याच्या संदर्भात मुख्यमंत्री व उपमुख्यमंत्री यांची चर्चा करू, अशी माहिती उपमुख्यमंत्री अजित पवार यांनी दिली.
बारामतीत आयोजित पत्रकार परिषदेत ते बोलत होते. ते म्हणाले, बारामतीत घडलेल्या घटनांच्या पार्श्वभूमीवर अल्पवयीन मुलांचा गुन्हेगारी मधला वाढता सहभाग, ही बाब सामाजिक दृष्ट्या चिंताजनक आहे.
या संदर्भात यापूर्वी देखील कायद्यामध्ये अल्पवयीन वयाची जी मर्यादा आहे ती कमी करून मुलींसाठी 12 तर मुलांसाठी 14 करण्याबाबत आता निर्णय घ्यावा लागेल अशी परिस्थिती निर्माण झाली आहे.
कायदा करताना त्यासाठी केंद्र सरकारशी विचारविनिमय करावा लागतो.
देशाचे गृहमंत्री अमित शहा यांच्या समवेत आगामी काळात होणाऱ्या चर्चेमध्ये मी याबाबत त्यांच्याशी बोलणार असल्याचे अजित पवार यांनी सांगितले. अनेक घटनांमध्ये अल्पवयीन असल्याने कितीही गंभीर गुन्हा झाला तरी त्याला कायद्याने फार काही करता येत नाही, ही त्रुटी दूर करण्याच्या दृष्टीने आता पावले उचलण्याची गरज अजित पवार यांनी बोलून दाखवली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.