"उद्धव ठाकरेंच्या लोकप्रियतेमध्ये शरद पवार यांचा वाटा" - गोऱ्हे

राज्याचा मूड काय आहे या अहवालातून अनेक महत्त्वाच्या गोष्टी समोर आल्या आहेत. त्यातून मिळालेल्या आकडेवारीतून वेगवेगळ्या गोष्टी पुढे आल्या आहेत. यावर शिवसेना नेत्या निलम गोऱ्हे यांनी मत व्यक्त केलं. 2013 पासून अनेक सर्वेक्षणं झाली. 2014 जेव्हा स्थलांतराचा सकाळचा कौल झाला तेव्हा त्यातून अनेक गोष्टी घडल्या. तर आनंदी आनंद जरुर आहे. दोन वर्षे पूर्ण होताना ठाकरे सरकारला आणखी मोठी झेप घेण्याची गरज वाटते, असं शिवसेना नेत्या निलम गोऱ्हे म्हणाल्या.

राज्यात महाविकास आघाडीला दोन वर्षे पूर्ण होत आहेत. दोन वर्षात महाविकास आघाडीला कोणकोणत्या बाबतीत यश आलं, राज्य सरकारच्या कोणत्या निर्णयांचं नागरिकांनी स्वागत केलं, कोणते निर्णय सरकारची प्रतिमा डागाळत आहेत, याचा अभ्यास करण्यात आला. यामध्ये शिवसेना आणि ठाकरे सरकारबद्दल महत्वाची निरीक्षणं नोंदवण्यात आली.

भाजपची सत्ता आहे. त्यांनी सत्तेचा गैरवापर कसा करायचा हे दाखवून दिलं आहे. त्यांनी अनेकांना वेसण घालण्याचा प्रयत्न केला. जिल्हा परिषद, महानगरपालिकांच्या निवडणुकांमध्ये भाजपचे काय झाले हे दिसून आले आहे. त्यांनी साम दाम दंड भेद करुन त्यांनी सत्तेसाठी प्रयत्न केले. मात्र त्याचा फारसा उपयोग झाला नाही. आमचे काम मजबूत आहे, असं त्या म्हणाल्या. मात्र,विरोधकांना कमी लेखून चालणार नाही, हे त्यांनी अधोरेखित केलं.

काय म्हणाल्या नीलम गोऱ्हे?

काँग्रेस जेव्हा मविआमध्ये सहभागी झाले तेव्हा त्यांच्या पक्षश्रेष्ठींनी अतिशय विचारपूर्वक भूमिका घेतली. त्यांनी यावेळी इतर पक्षांना पुढाकार देण्याचा प्रयत्न केला आहे. भाजपचा मुद्दाच वेगळा आहे. एका मुख्यमंत्री पदासाठी सगळं काही विस्कटतं. सर्वेक्षणामध्ये अनेक गोष्टी समोर आल्या आहे. व्यक्ती म्हणून काही गोष्टी त्यात मांडण्यात आल्या आहेत.

देवेंद्रजी पाच वर्षे मुख्यमंत्री राहिले आहेत. त्यामुळे त्यांची लोकप्रियता आहे. आता उद्धव ठाकरे मुख्यमंत्री आहेत. शिवसेनेचा मुख्यमंत्री ही भूमिका आहे. उद्धव ठाकरेंच्या लोकप्रियतेमध्ये शरद पवार यांचाही सहभाग आहे. राजकारण अधिक खुलं होईल तसं उद्धव ठाकरे यांची लोकप्रियता आणखी वाढेल.