पुण्यात दांडेकर पूल भागातील राष्ट्र सेवा दलाच्या कार्यालयात आज 'निर्भय बनो' सभा होणार आहे. केंद्रातील मोदी सरकारविरोधात काही पुरोगामी कार्यकर्त्यांनी एकत्र येत राज्यभर या सभा सुरु केल्या आहेत. यातील एक सभा आज पुण्यात संध्याकाळी ६.३० वाजता पार पडणार आहे. पण या सभेला भाजपच्यावतीनं जोरदार विरोध करण्यात आला आहे.
तर त्यांच्याविरोधात आता महाविकास आघाडीचे कार्यकर्ते देखील समोरासमोर आले आहेत. तसेच दोन्ही बाजूंकडून जोरदार घोषणाबाजी सुरु आहे. गेल्या तासभरापासून राष्ट्र सेवा दलाबाहेर हा गोंधळ सुरु आहे. (nirbhay bano pune rally emerged rusk between mva and bjp supporters outside of rashtra seva dal)
पुरोगामी संघटना एकत्र
ज्येष्ठ पत्रकार निखील वागळे यांच्या समर्थनासाठी आप, काँगेस, शिवसेना (ठाकरे गट), राष्ट्रवादी (पवार गट), पुरोगामी पक्ष, संघटना रस्त्यावर उतरल्या आहेत. या सभेला वागळे यांच्यासह, मानवाधिकार कार्यकर्ते आणि अॅड. असीम सरोदे, सामाजिक कार्यकर्ते विश्वंभर चौधरी यांची प्रमुख उपस्थिती आहे. (Marathi Tajya Batmya)
सरोदेंच्या घरी फौजफाटा
दरम्यान, असीम सरोदे यांची घरी पोलिसांचा मोठा फौजफाटा तैनात करण्यात आला आहे. निखिल वागळे आणि असीम सरोदे यांनी सभेठिकाणी जाऊ नये, असं पोलिसांनी त्यांना सांगितलं आहे. पण तरीही वागळे आणि सरोदे सभेच्या ठिकाणी जाण्यावर ठाम आहेत. काल निखिल वागळेंविरोधात दाखल झालेल्या गुन्ह्यासंदर्भातही पोलिसांकडून चौकशी केली जात आहे. (Latest Marathi News)
भाजपनं पुण्यातील सभेला थेटपणे विरोध केला आहे. याबाबत राष्ट्रवादीच्या पवार गटाचे आमदार रोहित पवार यांनी प्रतिक्रिया दिली आहे. त्यांनी म्हटलं की, "भाजपच्या कार्यकर्त्यानी लोकशाहीविरोधात आंदोलन करणं अपेक्षित होतं. त्यांचे नेते देवेंद्र फडणवीस यांना लोकशाही आवडत नाही. निखिल वागळेंनी आमचाही विरोध केला आहे, पण आमचा त्यांना पाठिंबा आहे. पोलिसांना विनंती करु गृहमंत्र्यांचं एवढं ऐकू नका"
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
