पुणे : धायरीत टँकर-दुचाकीचा भीषण अपघात, महिला जागीच ठार

पुणे : सिंहगडरोड परिसरातील धायरी (Dhayari Pune) येथे टँकर आणि दुचाकीचा भीषण अपघात (Dhayari Accident) झाला. ही घटना आज सकाळी सव्वानऊ वाजण्याच्या सुमारास घडली. यामध्ये दुचाकी चालक महिलेचा जागीच मृत्यू झाला. अपघातात वृषाली विश्वनाथ तांबे या महिलेचा जागीच मृत्यू झाला आहे. त्या धायरीतील रायकर मळा इथं लक्ष्मीनारायण सोसायटीत राहत होत्या.

सकाळी ऑफिसला जाण्याची वेळ असल्याने रस्त्यावर मोठ्या प्रमाणावर गर्दी होऊन वाहतूक कोंडी झाली होती. त्यातच महिला मुक्ताई गार्डन परिसरातून दुचाकीने जात असताना भरधाव वेगाने येणाऱ्या टँकरने दुचाकी धडकली दिली. यामध्ये दुचाकीस्वार महिलेचा जागीच मृत्यू झाल्याची माहिती आहे. ही महिला कर्वेनगर येथील पोस्ट ऑफिसमध्ये काम करत असल्याची माहिती मिळाली आहे. सध्या सिंहगड पोलिस घटनास्थळी दाखल झाले असून याप्रकरणी अधिक तपासणी सुरू आहे.