पुणे : सैन्यदलात शॉर्ट सर्व्हिस कमिशन अंतर्गत (एसएससी) १९१ अधिकारीपदांसाठी ऑनलाइन अर्जप्रक्रिया सुरू झाली आहे. यासाठी महिला व पुरुष उमेदवारांसह शहिदांच्या पत्नींनादेखील अर्ज भरता येणार आहे. याबाबतची सूचना लष्कराच्या अधिकृत संकेतस्थळावर जाहीर करण्यात आली आहे.
ही प्रक्रिया तांत्रिक विभागासाठी आहे. याकरिता महिला व पुरुष उमेदवारांसाठी वयोमर्यादा २० ते २७ असून, विधवांसाठी ही मर्यादा ३५ वर्षांपर्यंत ठेवण्यात आली आहे. या प्रक्रियेसाठी कोणतीही लेखी परीक्षा नाही. सर्व्हिस सिलेक्शन बोर्डाच्या (एसएसबी) मुलाखती उत्तीर्ण झालेल्या उमेदवारांना लष्करात अधिकारी पदासाठी निवडण्यात येणार आहे. यामध्ये पुरुषांसाठी १७५, महिलांसाठी १४ तर विधवांसाठी २ जागा आहेत.
दरम्यान, इच्छुक उमेदवार येत्या २३ जूनपर्यंत ऑनलाइन अर्ज भरू शकतील. यासाठी काही विशिष्ट मार्गदर्शक सूचना देण्यात आल्या आहेत. अर्ज भरण्यासाठी किंवा या प्रक्रियेसंदर्भातील अधिक माहितीसाठी उमेदवारांना www.joinindianarmy.nic.inया अधिकृत संकेतस्थळाचा वापर करता येईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
