Online Counseling : विद्यार्थ्यांना नैराश्यातून बाहेर काढण्यासाठी ऑनलाइन समुपदेशन सेवा कार्यान्वित

Online Counseling - मार्च २०२३ मध्ये घेतलेल्या दहावीच्या परीक्षेच्या निकालानंतर विद्यार्थ्यांना नैराश्यातून बाहेर काढण्यास मदत करण्यासाठी महाराष्ट्र राज्य माध्यमिक व उच्च माध्यमिक शिक्षण मंडळाने ऑनलाइन समुपदेशन सेवा सुरू करण्यात आली आहे.

राज्य मंडळातर्फे पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर आणि कोकण विभागीय मंडळातील विद्यार्थ्यांसाठी ही सोय उपलब्ध करून देण्यात आली आहे. निकालानंतर काही विद्यार्थ्यांना नकारात्मक विचाराने मानसिक दडपणाखाली येण्याची शक्यता आहे. अशा विद्यार्थ्यांचे समुपदेशन करण्यासाठी ही सेवा सुरू केली आहे.

यासाठी मंडळाने भ्रमणध्वनी दिले असून त्याद्वारे समुपदेशक परीक्षेच्या निकालाच्या दिवसापासून आठ दिवस सकाळी आठ ते रात्री आठ यावेळेत उपलब्ध राहतील. विद्यार्थ्यांना भ्रमणध्वनीद्वारे नि:शुल्क आवश्यक ते समुपदेशन करण्यात येईल, अशी माहिती राज्य मंडळाच्या सचिव अनुराधा ओक यांनी दिली.

इन्फोबॉक्स -

राज्य मंडळाने समुपदेशनासाठी दिलेले काही भ्रमणध्वनी क्रमांक -

• ७३८७४००९७०

• ८३०८७५५२४१

• ९८३४९५१७५२

• ९४०४६८२७१६

• ८७६७७५३०६९