सबस्क्राईब करा
पुणे - महापालिकेतर्फे यंदापासून फटाका स्टॉलच्या जागा भाड्याने देण्यासाठी ऑनलाइन लिलाव करण्याचा निर्णय घेतला आहे. शहरात १२ ठिकाणी जागा १६३ स्टॉलसाठी जागा निश्‍चित केल्या आहेत. ३० ऑक्टोबर रोजी हे लिलाव होणार आहेत. दरम्यान, ऑफलाइन लिलावात स्थानिक पुढाऱ्यांच्या दादागिरीमुळे अनेकांना इच्छा अरूनही स्पर्धेतून बाहेर होण्याची वेळ येत आहे. त्यामुळे प्रशासनाने हा निर्णय घेतला आहे.
दिवाळीच्या निमित्ताने फटाके विक्रीसाठी पुणे महापालिकेतर्फे व्यावसायिकांना वर्तक बागेच्या शेजारी नदी काठच्या रस्त्यावर स्टॉल लावले लावण्यासाठी भाड्याने जागा दिली जाते. गेल्यावर्षी येथे ३५ स्टॉलसाठी लिलाव आयोजित केला होता. त्यामध्ये ६६ जणांनी अर्ज केले होते.
लिलाव सुरु झाल्यानंतर स्थानिक पुढाऱ्यांनी दादागिरी करत अनेकांना बोलू लावण्यापासून रोखले होते. त्यावरून गोंधळही झाला होता, त्याचवेळी काही जणांनी या जागांसाठी ऑनलाइन बोली लावावी अशी मागणी केली होती. त्यानुसार वर्तक बागेसह कोंढवा, हडपसर, धानोरी, कोथरूड, पर्वती, कात्रज, धायरी, कल्याणीनगर, खराडी, बालेवाडी, हडपसर येथे फटाका स्टॉल असतील. यांची एकूण संख्या १६३ इतकी आहे.
अतिरिक्त आयुक्त विकास ढाकणे म्हणाले, ‘दिवाळीसाठी फटाके विक्री स्टॉल लावण्यासाठी ऑनलाइऩ बोली लावण्यात येणार आहे. त्यासाठी अर्ज भरून घेण्यास सुरवात झाली आहे. पैसे भरल्यानंतर व्यावसायिकांना लॉग इन आयडी आणि पासवर्ड दिला जाणार आहे. ३० ऑक्टोबर रोजी हे लिलाव केले जातील.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
