पत्रकार रायकरांच्या मृत्यूप्रकरणी दोषींवर मनुष्यवधाचा गुन्हा दाखल करण्याची मागणी

पुणे : प्रशासनाच्या गलथान कारभारामुळेच पत्रकार पांडुरंग रायकर यांचा मृत्यू झाल्याचा आरोप करीत प्रशासनाचा निषेध करण्यासाठी आणि दोषींवर कारवाई करण्यासाठी 'भीम छावा'चे प्रदेशाध्यक्ष श्याम गायकवाड यांच्या नेतृत्वात शुक्रवारी (ता.४) जिल्हाधिकारी कार्यालयासमोर आंदोलन करण्यात आले. या वेळी प्रशासनाच्या विरोधी घोषणा देण्यात आल्या. या आंदोलनात युवक आणि महिला कार्यकर्त्या उपस्थित होत्या. 

- जपान दूतावासाने पुणे महापालिकेचे टोचले कान; काय आहे नेमकं प्रकरण?

पत्रकार रायकर यांच्या मृत्युला जबाबदार असणाऱ्या अधिकाऱ्यांवर सदोष मनुष्यवधाचा गुन्हा दाखल करण्यात यावा. रायकर यांच्या परिवारातील सदस्यांना सरकारी नोकरी देण्यात यावी. रायकर यांच्या परिवाराला त्वरित आर्थिक मदत देण्यात यावी आदी मागण्यांचे निवेदन जिल्हाधिकारी यांच्याकडे देण्यात आले. 

या आंदोलनात संघटनेचे संस्थापक अध्यक्ष श्याम गायकवाड, निलेश गायकवाड, मंगेश कांबळे, विशाल कांबळे, अनिकेत साखरे, शहराध्यक्ष अमित मोरे, चंद्रकात सोनकांबळे, ज्ञानेश्वर गायकवाड, नितिन आहिरे, सचिन गायकवाड, प्रतिक कांबळे यांच्यासह अन्य कार्यकर्ते उपस्थित होते.

- पुण्याच्या बातम्या वाचण्यासाठी येथे- क्लिक करा

(Edited by : Ashish N. Kadam)