न्यायमूर्ती पी. बी. सावंत यांचे पुण्यात निधन

पुणे : माजी न्यायमूर्ती पी. बी. सावंत (वय 91) यांचे आज, पुण्यात निधन झाले. गेल्या एक महिन्यापासून ते आजारी होते. आज, निवासस्थानी त्यांचे निधन झाले. त्यांच्या पार्थिवावर उद्या (मंगळवार, 16 फेब्रुवारी) पुण्यात अंत्यसंस्कार होणार आहेत, अशी माहिती मिळाली आहे.

(सविस्तर वृत्त थोड्या वेळात)

पुण्याच्या इतर बातम्या वाचण्यासाठी येथे क्लिक करा

कोण होते पी. बी. सावंत?
पी. बी. सावंत बॉम्बे युनिव्हर्सिटीतून एलएलबीची डिग्री घेतली होती. सुरवातीला मुंबई हायकोर्टात वकीली केल्यानंतर त्यांनी सुप्रीम कोर्टातही वकीली केली होती. त्यानंतर 1973 रोजी ते मुंबई हायकोर्टाचे न्यायाधीश झाले. त्यानंतर 1989 ला ते सुप्रीम कोर्टाचे न्यायाधीश बनले. 1995 साली निवृत्त झाल्यानंतर ते सामाजिक कार्यात पुढाकार घेऊन सहभागी राहिले. ते वर्ल्ड प्रेस कौन्सिल (लंडन) आणि प्रेस कौन्सिल ऑफ इंडियाचे माजी अध्यक्ष राहिले होते. देश बचाव आघाडी तसेच लोकशासन आंदोलन पार्टीचे ते संस्थापक होते.

• 2002 च्या गुजरात दंगलीची चौकशी करण्यासाठी न्यायमूर्ती व्ही. आर. कृष्णा अय्यर यांच्या अध्यक्षतेखालील समितीत काम केले.
• 2003 मध्ये तत्कालीन महाराष्ट्र सरकारमधील मंत्री नवाब मलिक, पद्मसिंह पाटील, सुरेश जैन आणि विजयकुमार गावित यांच्यावर झालेल्या भ्रष्टाचाराच्या आरोपाची चौकशी करण्यासाठी स्थापन केलेल्या आयोगाचे पी. बी. सावंत अध्यक्ष होते.
• Right to information'ची संकल्पना सर्वप्रथम अधिकृतरित्या मांडली होती.
• एल्गार परिषदेचे ते अध्यक्ष होते.