सबस्क्राईब करा
पुणे : येणाऱ्या काळात बालगंधर्व रंगमंदिराच्या छतावर ड्रोन उतरतील आणि त्यातून इथं कार्यक्रमासाठी आलेले पाहुणे येतील आणि इथं भाषण देतील, तो दिवस आता दूर नाही, अशा शब्दांत केंद्रीय वाहतूक मंत्री नितीन गडकरी यांनी नवा प्लॅन कथन केला. पुण्यात आयोजित डॉ. नानासाहेब परुळेकर यांच्या जयंतीनिमित्त कार्यक्रमात ते बोलत होते.
गडकरी म्हणाले, "येत्या काळात ड्रोन टेक्नॉलॉजी जास्त सक्षम होणार आहे. आता २०० किलोचा ड्रोन तयार झालेला आहे. हा ड्रोन मीच लॉन्च केला आहे. मी या ड्रोन कंपनीला म्हटलं की, हिमाचल प्रदेश, उत्तराखंड आणि काश्मिरमध्ये जा. तिथल्या पहाडांवर जी गावं असतील तिथली सफरचंद तुम्ही या ड्रोनच्या माध्यमातून खाली आणा तसंच खालून औषधं आणि महत्वाच्या गोष्टी वरती न्या. त्यानंतर सक्सेसफुली हे तिथं सुरु झालं.
त्यामुळं आता नजिकच्या काळात लवकरच विमानतळावरुन बालगंधर्व रंगमंदीराच्या छतावर ड्रोन उतरेल आणि डायरेक्ट भाषणला लोक इथं येतील, तो दिवस आता दूर नाही. कारण आता ड्रोन टेक्नॉलॉजी डेव्हलप होऊन राहिली आहे. येणाऱ्या काळात टेक्नॉलॉजी खूप महत्वाचं काम बजावणार आहे" अशा शब्दांत गडकरींनी ड्रोन टेक्नॉलॉजीचं महत्व कथन केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
