पेट्रोलच्या शतकाला पाच रुपयांची कमी ; पुण्यात डिझेल ८४.६८ रुपये लिटर

पुणे,: प्रतिल टर ९३ रुपयांचा उच्चांकी टप्पा गाठल्यानंतरही पेट्रोल दरवाढीची घोडदौड अजूनही सुरूच आहे. सोमवारी शहरात पेट्रोलची किंमत ९५ रुपयांच्या पुढे गेली आहे. त्यामुळे प्रतिलिटर किमतीचे शतक झळकविण्यासाठी पेट्रोलचे दर फक्त पाच रुपयांपासून दूर आहेत.

अनलॉकनंतर पेट्रोल आणि डिझेलच्या किंमती सतत वाढतच आहेत. गेल्या वर्षाअखेरीस दरांत काहीशी घट झाली होती. मात्र जानेवारीपासून भडका वाढतच आहे. अगदी या महिन्याच्या सुरवातीपासून वाढत्या किंमती लक्षात घेता, फेब्रुवारीअखेर पेट्रोल १०० रुपये होण्याची शक्यता नाकारता येत नाही. डिसेंबरनंतर इंधनाचे दर कमी होतील, असा अंदाज या क्षेत्रातील तज्ज्ञांनी वर्तवला होता. तसेच वाहन चालकांना या दरांमुळे बसणारी छळ पाहता, राज्य किंवा केंद्र सरकार कर कमी करतील, अशी नागरिकांना अपेक्षा होती. मात्र, प्रत्यक्षात त्याच्या उलटे होताना दिसत आहे. त्यामुळे सर्वसामान्य नागरिक हैराण झाले आहेत.

पुण्यातील इतर बातम्या वाचण्यासाठी क्लिक करा

सोमवारी इतर शहरांतील पेट्रोलच्या किंमती -
परभणी - ९७.५७
नांदेड - ९७.४७
जालना - ९६.४६
रत्नागिरी - ९६.०६
जळगाव- ९६.०५

पुण्यातील इंधनाचे दर
पेट्रोल - ९५.१० प्रतिलिटर
डिझेल - ८४.६८ प्रतिलिटर
सीएनजी - ५५.५० प्रतिकिलो

आणखी वाचा - पूजा चव्हाणच्या हत्येचा कट? भाडेकरारापासून आत्महत्येचा घटनाक्रम काय सांगतो?

''पूर्वी इंधनाचे दर एक दोन रुपयांनी वाढले तर विरोधक मोठ्या प्रमाणात आंदोलने करीत. मात्र, आता एवढ्या किंमती वाढूनही पूर्वीसारखे आंदोलन होत नाहीत. केंद्रांत आणि राज्यात वेगवेगळ्या पक्षांची सत्ता असल्याने हे चित्र आहे. आंदोलनांपेक्षाही सध्या किमती कमी होणे गरजेचे आहे.''
- आनंदा पाटोळ, दुचाकीधारक नोकरदार