पुणे - आगामी विधानसभा निवडणुकांच्या पार्श्वभूमीवर, पंतप्रधान नरेंद्र मोदी आज, १२ तारखेला पुण्यात सभा घेणार आहेत. ही सभा पुण्याच्या टिळक रस्त्यावरील स. प. महाविद्यालयाच्या मैदानावर आयोजित करण्यात आली आहे. या सभेमुळे संबंधित भागातील वाहतूक व्यवस्थेत काही बदल करण्यात येणार आहेत. नागरिकांना आणि वाहनचालकांना गैरसोय होऊ नये, यासाठी वाहतूक विभागाने काही रस्ते बंद करून पर्यायी मार्गांची व्यवस्था केली आहे.