पुणे, पिंपरी-चिंचवड बाहेरील प्रवाशांनो इकडे लक्ष द्या, पीएमपीचे 12 मार्ग सुरू होणार

पुणे : पुणे आणि पिंपरी-चिंचवड बाहेरून दोन्ही शहरात ये-जा करणा-या प्रवाशांची गैरसोय टाळण्यासाठी पुणे महानगर परिवहन महामंडळाने (पीएमपीएल) ग्रामीण भागातील सेवा पुन्हा सुरू केली आहे. यानुसार 12 डिसेंबरपासून 12 मार्ग सुरू करण्यात येणार असून यामध्ये चाकण, रांजणगाव, जेजुरी एमआयडीसी, यवत, सारोळा आदी भागांचा समावेश आहे. या मार्गांवर एकूण 70 बसेस सोडण्यात येणार असल्याचे प्रशासनाकडून सांगण्यात आले.

- Corona Updates: हॉस्पिटलमधील कोरोना रुग्णांचा आकडा चार हजारांच्या आत​

कोरोनाच्या पार्श्‍वभूमीवर सध्या केवळ पीएमपीकडून पुणे आणि पिंपरी चिंचवड शहरात सेवा दिली जाते. यासाठी प्रशासनाकडे मालकीच्या आणि भाडेतत्वावरील मिळून दोन हजार पेक्षा अधिक बसेस आहेत. पीएमपीची कोरोनापुर्वी प्रमाणे सेवा सुरू नसल्याने प्रवाशांची मोठी गैरसोय होत आहे. त्यामुळे गेल्या काही दिवसांपासून शहरासह ग्रामीण भागात सेवा विस्तार करण्यास प्रशासनाने पावले उचलली आहेत. विशेषतः चाकण एमआयडीसी, सासवड, जेजुरी एमआयडीसी या औद्योगिक भागात प्रवाशांची संख्या अधिक आहे.

- गाव कारभाऱ्यांचं नवं आरक्षण ठरलं; तहसीलदारांच्या बैठकीत सोडतीद्वारे झाला निर्णय​

या प्रवाशांना बसेस उपलब्ध करून देण्यासाठी प्रशासनाकडून प्रयत्न सुरू होते. यासाठी संबंधित भागातील नोकरदार, शाळा, महाविद्यालयाकडून मागणी होत होती. तसेच, पीएमआरडीएच्या हद्दीपर्यंत बससेवा सुरू करण्यास पीएमपीएलच्या संचालक मंडळाने देखील मान्यता दिलेली आहे. या पार्श्‍वभूमीवर प्रशासनाने ग्रामीण भागातील 12 मार्गांवर सेवा सुरू करण्याचे नियोजन केले आहे, अशी माहिती पीएमपीएलचे अध्यक्ष व व्यवस्थापकीय संचालक डॉ. राजेंद्र जगताप यांनी दिली.

- मोठी बातमी: शिक्षण सेवक भरतीला राज्य सरकारचा हिरवा कंदील; 6 हजार जागांसाठी होणार भरती​

एकूण - 70 बसेस

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)