पीएमपीच्या हजारो प्रवाशांच्या पासला मुदतवाढ हवी 

पुणे - पीएमपीच्या हजारो प्रवाशांच्या पासची लाखो रुपयांची रक्कम पीएमपीकडे जमा असून त्यास मुदतवाढ मिळावी, अशी मागणी पीएमपी प्रवासी मंचचे दत्तात्रेय फडतरे यांनी प्रशासनाकडे केली आहे. 

ताज्या बातम्यांसाठी डाऊनलोड करा ई-सकाळचे ऍप

कोरोनामुळे पुणे, पिंपरी -चिंचवड मनपा हददी बाहेरील बससेवा 17 मार्चपासून बंद झाली आहे. 26 मे पासून पिंपरी चिंचवडमध्ये 30 मार्गांवर बससेवा सुरू झाली आहे. हजारो प्रवाशांनी पीएमपी प्रशासनाकडे पासचे पैसे अगोदर भरले आहेत. मात्र, लॉकडाउनमुळे त्यांना बससेवेचा वापर करता आलेला नाही. त्यामुळे कामगार, विद्यार्थी, ज्येष्ठ नागरिक अशा प्रकारच्या हजारो पासधारकांचे लाखो रुपये महामंडळाकडे जमा आहेत. त्यांच्या पासेसला मुदतवाढ मिळणे गरजेचे आहे. परंतू, पीएमपी प्रशासन त्याकडे दुर्लक्ष करीत आहे. 

पुण्याच्या बातम्या वाचण्यासाठी येथे ► क्लिक करा 

कोरोनामुळे पीएमपीला आतापर्यंत 100 कोंटीचा फटका बसला असला तरी हजारो पासधारकांचे लाखो रुपये पीएमपीकडे जमा असताना पासधारकांच्या पासची मुदतवाढ किंवा रिफंड देण्यासबंधी पी.एम.पी प्रशासनाने अजुनपर्यंत काहीही निर्णय घेतलेला नाही. टप्प्याटप्प्याने बससेवा सुरु होईल त्यानुसार पीएमपी बंद कालावधीत झालेल्या गैरसोयीचा दिलासा देण्यासाठी साठ ते नव्वद दिवसांपर्यंत पासधारकांना पासची मुदतवाढ देण्याची व्यवस्था पीएमपी प्रशासनाने करावी, अशी मागणी मंचतर्फे फडतरे यांनी पीएमपीच्या अध्यक्षा आणि व्यवस्थापकीय संचालक नयना गुंडे यांच्याकडे केली आहे. 

ज्या विद्यार्थ्यांचे लॉकडाउन काळातील वापर न केलेले पास असतील, अशा विद्यार्थ्यांना नवीन शैक्षणिक वर्षाच्या सुरुवातीला नवीन बोनाफाईड, ओळखपत्र काढुन नवीन पास काढण्याची सक्ती करण्यात येवु नये, असे निवेदनात म्हटले आहे. 

पिंपरी चिंचवडच्या बातम्या वाचण्यासाठी येथे ► क्लिक करा

खेड -शिवापुर टोल नाका परिसरातुन धावणाऱ्या बसेसचा टोल व्यवस्थापकांनी टोल वाढवुन मागितल्यामुळे व पीएमपीने टोल वाढवुन देण्यास नकार दिल्याने टोलनाक्यावर बसेस रोखुन धरण्यात आल्या. परिणामी पीएमपीने या भागातील लॉकडाउनपुर्वीच काही दिवस बससेवा बंद केली आहे. ती पूर्ववत सुरु करण्याबाबत विचार करावा, अशी मागणी निवेदनात करण्यात आली आहे.