![Police](http://media.assettype.com/esakal%2F2022-01%2F90e1b0d1-57f1-4155-92d8-3cdafd57fa87%2Fmaharashtra_police_1.jpg?rect=0%2C0%2C960%2C540&w=480&auto=format%2Ccompress&fit=max)
पोलिस विभागाविषयीच्या विविध तक्रारींचे निराकरण प्रभावीपणे करण्याच्या उददेशाने बारामती हद्दीमध्ये तक्रार निवारण दिन सुरु होणार आहे.
बारामती - पोलिस विभागाविषयीच्या विविध तक्रारींचे निराकरण प्रभावीपणे करण्याच्या उददेशाने बारामती हद्दीमध्ये तक्रार निवारण दिन सुरु होणार आहे. अतिरिक्त पोलिस अधीक्षक आनंद भोईटे यांनी या बाबत माहिती दिली. मंगळवारी (ता. 2) सकाळी दहा ते दुपारी दोन या वेळेत माळेगाव पोलिस ठाण्यात पहिला तक्रार निवारण दिन होणार आहे. स्वताः आनंद भोईटे तक्रारदारांचे म्हणणे ऐकून घेणार आहेत.
नागरिकांच्या विविध समस्या, तसेच तक्रारींचे निराकरण प्रभावीपणे व वेळेत व्हावे, प्रत्येक तक्रारदाराचे म्हणणे ऐकून घेतले जावे व त्यांच्या तक्रारीत तथ्य असेल तर त्या वर योग्य ती कायदेशीर कार्यवाही व्हावी या उदेदशाने हा तक्रार निवारण दिन सुरु करण्यात येत असल्याचे आनंद भोईटे यांनी नमूद केले.
कोल्हापूर परिक्षेत्राचे विशेष पोलिस महानिरिक्षक सुनील फुलारी, पोलिस अधीक्षक अंकीत गोयल यांच्या सूचनेनुसार हा उपक्रम सुरु करण्यात येत आहे.
बारामती अतिरिक्त पोलिस अधीक्षक कार्यालयाच्या हद्दीत बारामती, इंदापूर, दौंड, पुरंदर, भोर या 5 तालुक्यातील 13 पोलीस स्टेशन येतात. सर्वच ठिकाणी असे तक्रारनिवारण दिन आयोजित केले जाणार आहेत.
ज्यांचे गुन्हे, अर्ज, अदखलपात्र गुन्हे या बाबत योग्य कारवाई झाली नाही, अवैध धंदे, गुंडागर्दी, महिला सुरक्षा, याविषयी तक्रारी असतील किंवा काही ठिकाणी पोलीस कर्मचा-यांविरुद्ध तक्रारींबाबत तक्रार निवारण दिनी नागरीकांनी थेट वरीष्ठ अधिकाºयांना भेटता येणार आहे.
माळेगाव पोलीस स्टेशन नवीन इमारत हॉलमध्ये तक्रार निवारण दिनाची सुरवात होईल. यावेळी अप्पर पोलीस अधिक्षक आनंद भोईटे, उपविभागीय पोलीस अधिकारी गणेश इंगळे उपस्थित राहणार आहेत. नागरिकांनी त्यांच्या तक्रारींबाबत स्वताः उपस्थित राहून सूचना करण्याचे आवाहन करण्यात आले आहे.
अजित पवार यांच्याही सूचना...
दरम्यान माझ्या शेजारी बसलेला का असेना तो अयोग्य कामे करत असेल तर त्याला सोडू नका, कारवाई करा, अशी सूचना विरोधी पक्षनेते अजित पवार यांनी केली. दहशत माजविण्याचा कोणी प्रयत्न करीत असेल तर त्यांच्यावर कठोर कारवाई करा असेही पवार म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.