मोटारसायकल वरून आलेल्या दोन अनोळख्या व्यक्तीने पोलीस असल्याची बतावणी करून आम्ही चोरीचा तपास करत असून तुमच्या गळ्यातील चैन आम्हाला तपासायची आहे.
पारगाव - पारगाव, ता. आंबेगाव ते लाखणगाव रस्त्यावर बापू किसन धरम (वय-50 वर्षे, रा. लाखणगाव, ता. आंबेगाव) यांना मोटारसायकल वरून आलेल्या दोन अनोळख्या व्यक्तीने पोलीस असल्याची बतावणी करून आम्ही चोरीचा तपास करत असून तुमच्या गळ्यातील चैन आम्हाला तपासायची आहे, असे सांगत गळ्यातील सव्वादोन तोळे वजनाची सोन्याची चैन हातचलाखी करून लंपास केली आहे.
पारगाव कारखाना पोलीस स्टेशन ने दिलेल्या माहितीनुसार, बापू किसन धरम काल मंगळवारी दुपारी साडेबारा वाजण्याच्या सुमारास पारगाव गावचे हद्दीत लाखणगाव रस्त्यावर चीजगाई वस्ती दरम्यान मोटारसायकल वरून चालले असता त्यांच्या पाठीमागून दोन अनोळखी इसम त्यांच्या मोटरसायकलवर येऊन श्री. धरम यांची मोटरसायकल थांबवून पोलीस असल्याचे सांगून नागापूर येथे चोरी झाली आहे. तेव्हा तुमच्या गळ्यातील सोन्याची चैन आम्हाला चेक करायची आहे, असे म्हणून चैन घेऊन हात चलाखी करून सुमारे 90 हजार रुपये किमतीची सव्वा दोन तोळे वजनाची सोन्याची चैन लंपास केली. पुढील तपास सहाय्यक पोलीस निरीक्षक लहुजी थाटे यांच्या मार्गदर्शनाखाली पारगाव पोलीस करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.