Pune : पुणे सोलापूर राष्ट्रीय महामार्गावरून गोमांसचे कंटेनर केले पोलिसांनी जप्त

कुरकुंभ : पुणे सोलापूर राष्ट्रीय महामार्गावरून हैदराबादहून मुंबईला कंटेनरमधून २९ हजार गोमांस घेऊन जात असताना हा कंटेनर दौंड तालुक्यातील खडकी येथे एका ढाब्याच्या परिसरात ताब्यात घेण्यात आला. या गोमांसची बाजारातील किंमत ४७ लाख २० हजार रुपये असून १२ लाख रुपये किमतीचा कंटेनर असा एकूण ५९ लाख २० हजार रुपये किमतीचा मुद्देमाल पोलिसांनी ताब्यात घेतला. ही कारवाई रविवारी ( ता.१९ ) रात्री करण्यात आली आहे.

हैदराबाद येथून गाई व म्हशीचे गोमास घेऊन एक कंटेनर पुणे सोलापूर मार्गाने मुंबईकडे निघाल्याची माहिती गोरक्षक अक्षय राजेंद्र कांचन (रा. महादेव नगर उरुळी कांचन, ता. हवेली ) यांना मिळाली होती. हा गोमासचा कंटेनर भिगवणच्या (ता. इंदापूर ) पुढे निघाल्याची माहिती कांचन यांना मिळाल्यानंतर त्यांनी या संदर्भात दौंड पोलिसांशी संपर्क साधला. माहिती अनुसार पोलीस गोरक्षकासह खडकी येथील आकांक्षा ढाब्याच्या परिसरात सदरचा कंटेनर उभा असल्याचे निदर्शनास आले. कंटेनर चालकाकडे पोलिसांनी चौकशी केली असता त्याने कंटेनरमध्ये गोमास असल्याची कबुली दिली.

ताब्यात घेतलेल्या १८ टायर कंटेनरची वहन क्षमता २८.८० पण असताना त्यामध्ये २९ टना पेक्षा जास्त गोमास वाहतूक करताना पोलिसांना आढळून आले. यामध्ये २५ हजार किलो गायी व इतर प्राण्यांचे गोमास तर ४ हजार किलो म्हशीचे गोमास आढळून आले. याची अनुक्रमे बाजारात किंमत १६० व १८० रुपये प्रति किलो आहे. या गोमासशी बाजारातील किंमत ४७ लाख २० हजार आहे. तर ताब्यात घेतलेल्या कंटेनरची किंमत १२ लाख आहे. गोमांस व टेम्पो असा एकूण ५९ लाख २० हजार रुपये किमतीचा मुद्देमाल पोलिसांनी ताब्यात घेतला.

या प्रकरणी अक्षय कांचन यांनी पोलिसात फिर्याद दिली आहे. पोलिसांनी या प्रकरणी कंटेनर चालक चंद्रकांत दत्तू साळुंखे (सध्या रा. खांदा कॉलनी, ता. पनवेल, जि. रायगड.) मूळ राहणार जळवा ता. सांगोला, जि. सोलापूर ) येथील आहे. त्याच्याविरुद्ध भारतीय न्याय संहिता कलम ३२५, महाराष्ट्र पाणी संरक्षण अधिनियम १९६० च्या कलम ५, ५ए, ५बी, ५सी,९,११ व प्राणी परिवहन अधिनियम ४७,४८,४९,५४,५६ अंतर्गत गुन्हा दाखल करण्यात आला आहे.

ही कारवाई पुणे ग्रामीण पोलीस अधीक्षक पंकज देशमुख, अप्पर पोलीस अधीक्षक रमेश चोपडे, दौंड उपविभागीय पोलीस अधिकारी अण्णासाहेब घोलप यांच्या मार्गदर्शनाखाली पोलीस निरीक्षक संतोष डोके सहाय्यक पोलीस निरीक्षक तुकाराम राठोड आदी पोलीस कर्मचाऱ्यांच्या पथकाने केली.